राष्ट्रिय

येँ (नेपालभाषा टाइम्स)÷नेपालय् नं कोरोना संक्रमण हानं अप्वयेगु शुरु जूगु दु । म्हिगः जक झिंप्यम्ह कोरोना संक्रमण पुष्टि जूगु दु । स्वास्थ्य मन्त्रालयया कथं ८५८ म्हेसिया नमुना परीक्षण याःगुली झिंप्यम्ह संक्रमित खने दुगु खः । जःलाखःला देशय् कोरोना संक्रमण अप्वयेवं स्वास्थ्य मन्त्रालयं सतर्क जुइत इनाप यायेधुंकूगु दुसा म्हिगः निसें ट्राफिक प्रहरीं ‘छिगु मास्क ग्व ?’ अभियान नं न्ह्याकूगु दु । […]

एजेन्सी÷ उज्वेकिस्तानया स्वास्थ्य मन्त्रालयं भारतय् दयेकूगु सिरपया कारणं १८ म्ह मस्त सीगु धाःगु दु । स्वास्थ्य मन्त्रालयं बिउगु जानकरीकथं भारतय् दयेकूगु डक–१ म्याक नांयागु सिरपं मस्त सीगु खः । सिरपया परिक्षण यायेगु झ्वलय् सिरपय् एथिलिन ग्लाइकोन नांयाःगु विषाक्त पदार्थ लूगु अन स्वास्थ्य मन्त्रालयं धाःगु दु । छुं ई न्ह्यः गाम्बियाय् नं भारतय् दयेकूगु सिरपया कारणं […]

थिमि (नेपालभाषा टाइम्स)÷राष्ट्रिय विभूति शंखधर साख्वाः प्रतिष्ठानया ग्वसालय् वंगु शनिवाः नेवाः तजिलजि व राष्ट्रिय पञ्चाङ्गया तिथिमितियात कयाः सहलह ज्याझ्वः जुल । वंगु छुं दशक न्ह्यवनिसें नेवाः तजिलजि हनेगुलिइ हने दयाच्वंगु तिथि विवादलिसें उकिं यानाः नखः हनेगुलिइ हने दयाच्वंगु समस्या समाधान यायेकथं सरोकारवाला निकाय दथुइ उगु सहलह ज्याझ्वः जूगु खः । प्रतिष्ठानया ग्वसालय् जूगु सहलहय् सरोकारवाला निकाय राष्ट्रिय […]

येँ (नेपालभाषा टाइम्स)- नेपाःया लागि भारतया राजदुत नवीन श्रीवास्तव भारतीय ग्वाहा–लिं दयेकाच्वंगु नेपालभाषा परिषदया छेँ निरीक्षण यानादिल । उगु इलय् राजदुत श्रीवास्तवं परिषद्या निर्माणाधीन छेँया सिधःगु ग्राउण्ड फ्लोर अवलोकन यानादिलसा वय्कःयात इन्टाकया प्रतिनिधिपिं पारोमिता डे सरकार व मयजु अनिता ताम्राकारं विस्तृत जानकारी बियादीगु खः । उगु इलय् परिषद्या साहित्यिक ज्याखँ बारे छ्याञ्जे पुष्परत्न तुलाधरं कनादीगु खः । नेपालभाषा […]

येँ (नेपालभाषा टाइम्स)- राष्ट्रिय जनगणना तथा भाषा आयोगं सूचीकरण याःगु बाहेक मधेश प्रदेशय् मेगु भाषां शपथ ग्रहण मयाकेत माग यासें मधेश प्रदेश संसद सचिवालयया ध्यानाकर्षया याःगु दु । थीथी भाषा, साहित्य, कला संस्कृतिया क्षेत्रय् ज्या यानाच्वंगु गुंगू संस्थां उगु माग याःगु खः । मंकाः ध्यानाकर्षण पतिइ नेपाल सरकारया आधिकारिक दस्तावेजं म्ह हे मसिउगु मधेशी भाषाय् शपथ ग्रहण […]

येँ(नेपालभाषा टाइम्स)-नेवाः पत्रकार राष्ट्रिय दबू येँ जिल्लाया नवनिर्वाचित पदाधिकारीतय् सपथ ग्रहण व दसिपौ लःल्हायेगु ज्याझ्वः वंगु मंगलवाः जुल । उगु इलय् प्रतिनिधि व प्रदेशसभाय् निर्वाचित सांसदतय्त भिंतुना नं देछाःगु खः । ज्याझ्वलय् दबूया मूछ्याञ्जेनापं निर्वाचन समितिया संयोजक सुनिल महर्जन व दुजः केके मानन्धरं येँ जिल्लाया नवनिर्वाचित पदाधिकारीपिंत सपथ ग्रहणलिसें दसिपौ लःल्हानादीगु खः । उगु ज्याझ्वलय् येँ क्षेत्र नं […]