राष्ट्रिय

येँ – एमाले व माओवादी एकताया निंतिं दयेकातःगु संयोजन समितिया बैठक वइगु आइतवाः च्वनीगु जूगु दु । एमाले अध्यक्ष केपी ओली म्हिगः उपचार लिपा बैंकक लिहां वयेवं थौं वय्कःयात नापलायेत झाःम्ह माओवादी अध्यक्ष पुष्पकमल दाहाल दथुइ खँल्हाबल्हा लिपा ७ गते आइतवाः संयोजन समितिया बैठक तयेगु क्वःछिउगु खः । ओलीयात स्वयेत वंम्ह प्रचण्ड व ओलीदथुइ ओली […]

येँ सरकारं प्रदेश प्रमुख व प्रदेशया अस्थायी राजधानी तोके यायेवं अन माःगु व्यवस्था यायेत व कर्मचारी खटे यायेत नं तयारी शुरु याःगु दु । आःयात उगु थासय् कर्मचारीत नं अस्थायी प्रकृतियापिं निं छ्वयेगु तयारी जुयाच्वंगु खँ सामान्य प्रशासन मन्त्रालयं सूत्रं धाःगु दु । छु प्रदेशय् ग्वःम्ह कर्मचारी माः, छु छु तहयापिं माः धइगु खँ क्वःछीगु लागिं छगू […]

येँ जिल्लां प्रतिनिधिसभा व प्रदेशसभाय् प्रत्यक्षपाखें उम्मेदवारी बिउपिं उम्मेदवारपिं मध्ये करिब सत्याम्हेसिनं थःपिनिगु चुनावी खर्च विवरण पेश याःगु दु । वंगु मंसिर २१ गते निगूगु चरणय् जूगु निर्वाचनय् येँया झिगुलिं निर्वाचन क्षेत्रय् प्रतिनिधिसभापाखे १७१ व प्रदेशसभाय् २२२ म्ह यानाः मुक्कं ३९३ म्हेसिनं प्रत्यक्षय् उम्मेदवारी बिउगु खः । उकी मध्ये १५२ म्हेसिनं थःपिनिगु चुनावी खर्च विवरण बुझे याःगु […]

येँ चुनावय् पराजय लिपा आन्तरिक ल्वापु सुरु जूगु नेपाली कांग्रेस दुने प्रदेशया राजधानी व प्रदेश प्रमुखया नियुक्ति लिपा थ्व ल्वापु झन् हे तच्वया वंगु दु । थ्वहे विवाद व तनावया झ्वलय् पार्टीया केन्द्रीय दुजः शेखर कोइरालां आः पार्टीया विशेष महाधिवेशन सःतेत इनाप यानादीगु दु । पार्टीया महामन्त्री शशांक कोइराला, पुलांम्ह उपसभापति सुजाता कोइराला व केन्द्रीय दुजः शेखर […]

येँ सरकारं थीथी प्रदेशया अस्थायी राजधानी क्वःछीवं राजधानी जुइ मखंगु थीथी जिल्लाय् विरोध स्वरुप आन्दोलन तच्वया वःगु दु । थःपिनिगु जिल्लाय् राजधानी तये महःगु धासें दाङ, डोटी, धनकुटा, पर्सा व प्रधानमन्त्री शेरबहादुर देउवाया गृहजिल्ला डडेलधुराय् समेत आन्दोलन सुरु याःगु खः । कैलालीइ राजधानी दयेकूगु धासें डडेलधुराय् प्रधानमन्त्रीया पुत्ला समेत च्याकूगु दु । आन्दोलनकारीतय्सं प्रम देउवाया पुत्ला च्याके न्ह्यः […]

येँ– एमाले अध्यक्ष केपी ओलीं थःपिनिगु सरकार वयेधुंकाः प्रदेश प्रमुख व अस्थायी राजधानी हिलेफुगु खँ धयादीगु दु । स्वास्थ्य परीक्षण यायेत बैंकक वनाच्वनादीम्ह ओली थौं लिहां वयेवं विमानस्थलय् पत्रकारतलिसे खँ ल्हासें वय्कलं प्रदेश प्रमुख व अस्थायी राजधानीइ पुनर्बिचार जुइफुगु खँ धयादीगु खः । वय्कलं सरकारं लिबाक हे जूसां प्रदेश प्रमुख व अस्थायी राजधानी घोषणा यानाः […]