राष्ट्रिय

येँ (नेपालभाषा टाइम्स)- यलय् न्यायेकीगु बुंगद्यःया जात्रा न्ह्यःने थ्यंलिसे किपुली पलिस्था याःगु बुंगद्यःया विवाद गय् यानाः समाधान याये माली धइगु खँय् नं भक्तजनतय्सं चिउताः तया हःगु दु । किपूया गःछेँस्थित प्यंगःथामय् बुंगद्यः लिसें किपूयाम्ह हे याकःमिसाया झ्वाता पलिस्था यायेवं उकियात कयाः बुंगया पाञ्जुपिंसं विरोध याःगु खः । बुंगया ३२ पाञ्जु संघं यदि किपुली पलिस्था याःगु थ्व बुंगद्यःया […]

येँ(नेपालभाषा टाइम्स)÷येँ महानगरपालिकां दैनिक उपभोग्य वस्तुया बजाः अनुगमनयात हाकनं निरन्तरता बिउगु दु । महानगर उपप्रमुखया संयोजकत्वय् दुगु बजाः व्यवसथापन तथा उपभोक्ता हित संरक्षण समितिं बजाः अनुगमनयात निरन्तरता बिया हःगु खः । उपप्रमुखया संयोजकत्वय् दुगु समितिं स्वच्छ व उपभोक्तामैत्री व्यापारिक क्रियाकलापया निंतिं बजाः अनुगमनयात निरन्तरता बिउगु खः । निरीक्षण अधिकृतया नेतृत्वय् दुगु पुचलं अनुगमन यायेगु व्यवस्था जुयाच्वंकथं वंगु शनिवाः […]

येँ(नेपालभाषा टाइम्स)÷सरकारं दयेकीगु ऐन, नियमय् सुं नं च्वनेत स्वइमखु, छगू नं छगू पेशागत संगठनं उकिया विरोध यानाच्वनी, तर लुँवह व्यवसायीत छगू जक अज्याःगु संगठन खः । गुपिंसं थःपिनिगु कारोबारया निंतिं ऐन नियम माल धकाः दँ दँ न्ह्यःनिसें हालाच्वंसां सरकारं हयेत स्वयाच्वंगु मदु । थुकिया लिउने छुं नियत दुगु खः वा सरकारं थ्व व्यवसाययात कुदृष्टि स्वयाच्वंगु खः सीके […]

येँ (नेपालभाषा टाइम्स)- नेपाल प्रहरीइ न्हूम्ह आइजीपी बसन्त कुँवर नियुक्त जूगु दु । म्हिगः च्वंगु मन्त्रिपरिषद बैठकं कुँवरयात आईजीपी पदय् बढुवा याःगु खः । पुलांम्ह आईजीपी धिरजप्रताप सिंह अवकाशय् वनीगु जुइवं कुँवरयात बढुवा याःगु खः । आईजीपी जुइत टेकप्रसाद राई, दिपक थापा, श्यामलाल ज्ञवाली व किरण बज्राचार्यपिं नं प्रतिस्पर्धाय् दुगु खः ।

येँ (नेपालभाषा टाइम्स)- पुलांपिं कुमारी माजु व गणेश एवं भैरव द्यः भाजु–पिंत येँ महानगरपालिकां बीगु याना वयाच्वंगु श्रीपद भत्ता अप्वयेकूगु दु । पुलांम्ह कुमारी माजुयात न्हापा लय् १५ द्वः तका श्रीपद भत्ता बीगु यानातःगु खःसा आः उकियात अप्वयेकाः लय् १८ द्वः तका याःगु दु । अथे हे पुलांम्ह गणेश व पुलांम्ह भैरवयात न्हापा लय् १२ द्वः तका […]

येँ(नेपालभाषा टाइम्स)- विश्व सम्पदाया धलखय् दुथ्यानाच्वंगु वसन्तपुलिइ कन्हय् नाय्खिं बाजं ब्वज्या जुइत्यंगु दु । नेपाल राष्ट्रिय खड्गी समाज येँ जिल्ला समितिया ग्वसालय् उगु नाय्खिं बाजं ब्वज्या जुइत्यंगु खः । येँ, यल व किपूया झिंन्यागू पुचलं उगु नाय्खिं बाजं ब्वज्याय् ब्वति काइगु ग्वसाः खलकं जानकारी बिउगु दु । प्रत्येक छगू पुचलय् म्होतिं झिंनिम्हनिसें अप्वलय् पीम्हेसिनं छगू हे दबुलिइ नाय्खि […]