राष्ट्रिय

येँ (नेपालभाषा टाइम्स)-  प्रधानमन्त्री पुष्पकमल दाहालं प्रदेश व स्थानीय तहयात अधिकार सहित बल्लाकेगु खँ धयादीगु दु । म्हिगः तनहुँया आँबुखैरेनी अस्पतालया उलेज्या यासें प्रधानमन्त्री दाहालं संविधानं परिकल्पना याःगु फुक्कं अधिकार क्वय्या तहया सरकार तक थ्यंकेगु प्रतिबद्धता प्वंकादीगु खः । क्वय्या तहलय् अधिकार मथ्यनेवं संघीयता असफल जुल धकाः धाये मजिउ धासें वय्कलं संविधानयात संस्थागत यायेगु प्रक्रिया न्ह्यानाच्वंगु खँ […]

येँ  (नेपालभाषा टाइम्स)- नेपालभाषा व खस नेपाली भाषाया नांजाःम्ह मचा साहित्य च्वमि शान्तदास मानन्धर मंत । वय्कः ९० दँ दुम्ह खः । छुं ई न्ह्यवंनिसें उसाँय् मदयाच्वंम्ह वय्कः येँया वयोधा अस्पतालय् वासः याकुयाकुं थौं मदुगु खः । वयकःया अन्त्येष्टि कन्हय् बुधवाः पशुपतिया विद्युत शवदाहगृहय् याइगु ग्वसाः छेँजःपाखें सीदुगु दु । बुधवाः न्हिनय् १२ बजेनिसें २ […]

येँ (नेपालभाषा टाइम्स)÷नेपाल सरकारं आवंलि सरकारी दस्तावेजय् नं नेपाल संवत् छ्यलेगु निर्णय याःगु दु । म्हिगः च्वंगु मन्त्रिपरिषद्या बैठकं आः छुं नं कथंया सरकारी दस्तावेजय् विक्रम संवत्या नापनापं नेपाल संवत् नं छ्यलेगु धकाः निर्णय याःगु खः । प्रधानमन्त्री पुष्पकमल दाहालं म्हिगःया बैठकं हे थ्व निर्णय यायेगु धकाः पहल न्ह्याकादीगु खः । वय्कलं छुं न्हि न्ह्यः तिनि थःत नापलाः […]

येँ (नेपालभाषा टाइम्स)÷नेपाल संवत् ११४४ न्हूदँया लसताय् थौं देय्न्यंकं सांस्कृतिक र्‍याली पिकयाः न्हूदँयात लसकुस यानाच्वंगु दु । थ्व झ्वलय् थौं येँया बसन्तपुलिइ छगू तःजिगु र्‍याली पिकयाः देय्चाःहिउगु दु । र्‍याली आपालं बाजं खलः लिसें नेपाली सेनाया शार्दूल जंग गुल्म (गुर्जुया पल्टन) समेत सहभागी जूगु खः । अथे हे यक्वं नेवाः खलः पुचःतय्सं नं ब्वति काःगु खः । उकथं हे […]

किपू (नेपालभाषा टाइम्स)÷बुंगद्यः जात्राय् किपूलिसे स्वाःम्ह प्यंगःथांया याकः मिसायात गुथि संस्थानपाखें भत्ताया व्यवस्था याःगु दु । थ्व खँ सार्वजनिक यायेत म्हिगः किपुलिइ याःगु ज्याझ्वलय् किपू नगरपालिकाया मेयर राजकुमार नकःमिं याकःमिसायात आः किपू नगरपालिकापाखें नं भत्ता बीगु घोषणा यानादीगु खः । याकः मिसायात गुथि संस्थानं दरबन्दी कायम यानाः राष्ट्रिय मान्यता बीगु निर्णय सार्वजनिक यायेत म्हिगः किपुलिइ ज्याझ्वः याःगु […]

येँ (नेपालभाषा टाइम्स)- नेपाल भाषाया प्यंगःथां मध्ये छगः ख्वपया मास्टर जगतसुन्दर मल्लया १४१ दँ बुन्हि म्हिगः येँया जगतसुन्दर ब्वनेकुथिइ हन । मस्तय्त मांभासं आखः स्यनेमाः धकाः न्हापांखुसी प्रचार यानादीम्ह वयकःया झ्वाताय् स्वां देछानाः बुन्हि हनेगु ज्या जूगु खः । बुन्हि हना ज्याझ्वलय् न्हूदँ समारोह समिति ११४४ या नायः प्रा.डा. नरेशमान बज्राचार्यया मूपाहांकथं झाःगु खः । ब्वनेकुथिया न्वकु विष्णु […]