राष्ट्रिय

येँ– त्रिभुवन विमानस्थलय् दुर्घटना जुयाः च्याःगु विमानयात कुचा कुचाः यानाः यात्रुतय् उद्धार याःगु दु । एक्जाभेटर हयाः विमानया पाता पाता लिकयाः यात्रुतय् उद्धार याःगु खः । सेनां नं खिपः तयाः विमानया पातापाता लिकाःगु खः । थौं न्हिनय् २ः२० बजे पाखे बंगलादेशया युएस बंगला विमान अवतरण यायेगु झ्वलय् दुर्घटना जूगु खः । प्रत्यक्षदर्शीतय्सं अवतरण जूगु इलय् […]

त्रिभुवन अन्तर्राष्ट्रिय विमानस्थलय् अवतरण यायेगु झ्वलय् दुर्घटनाग्रस्त जूगु बंगलादेशया युएस बंगलाया विमानय् चालकदलया सदस्य नापं ७१ म्ह दुगु सीदुगु दु । विमानस्थल स्रोतया कथं दुर्घटनाग्रस्त विमानय् ६७ म्ह यात्रु व ४ चालक दलया सदस्यनापं ७१ म्ह दुगु खः । बंगलादेशया राजधानी ढाकां येँ वयाच्वंगु उगु विमान अवतरण यायेगु झ्वलय् अनियन्त्रित जुयाः दुर्घटना जूगु खः । […]

त्रिभुवन अन्तर्राष्ट्रिय विमानस्थलय् विमान अवतरण यायेगु झ्वलय् छगः विमान दुर्घटना जूगु दु । विमान अवतरण यायेगु झ्वलय् नियन्त्रणं पिहां वनाः दुर्घटना जूगु सीदुगु दु । बंगलादेशं नेपाः वयाच्वंगु युएस बंगलाया जहाज दुर्घटनाय् लाःगु खः । दुर्घटनाग्रस्त विमानय् मिं नयाः कुहां पिहा वयाच्वंगु दुसा मि नियन्त्रणय् कायेगु कुतः जुयाच्वंगु दु । मि स्याये फयाच्वंगु मदु । […]

येँ – संघीय समाजवादी फोरमपाखें निर्वाचित जूपिं सकलें सांसदपिंत म्हिगः येँय् नेवाः परम्परा कथं ख्यें व धौ सगं बियाः भिंतुना बीगु ज्या जुल । ससफो नेवाः प्रदेश समितिया ग्वसालय् जूगु उगु ज्याझ्वलय् प्रतिनिधिसभाय् प्रत्यक्ष व समानुपातिकपाखें त्याःपिं लिसें राष्ट्रिय सभाया समेत यानाः मुक्कं १८ म्ह सांसदपिंत बधाई व भिंतुना बीगु ज्या जूगु खः । नेवाः प्रदेश समितिया […]

येँ – अन्ततः माओवादी नेतातय्सं नं बुलुहुँ राष्ट्रिय पोशाक धयातःगु दौरा सुरुवाः हे ग्रहण शुरु याना हःगु दु । म्हिगः सभामुख पदय् निर्विरोध निर्वाचित जुयादीम्ह माओवादी नेता कृष्णबहादुर महरां दौरा सुरुवाः फिनाः पद व गोपनीयताया शपथ ग्रहण यानादीगु खः । म्हिगः जूगु संसदया बैठक नं वय्कलं दौरा सुरुवाः फिनाः हे सञ्चालन यानादीगु खः । थ्व स्वयां न्ह्यः निक्वः […]

येँ – गायक रमेश ताम्राकार मदुगु लत्याया पुण्यतिथिस लाकाः म्हिगः राष्ट्रिय नाचघरय् सांगीतिक श्रद्धांजलि ज्याझ्वः जुल । सांस्कृतिक संस्थानया ग्वसालय् जूगु उगु ज्याझ्वलय् गायक ताम्राकारं हालातःगु नेवाः भाय् व खय् भाय्या म्येँ थीथी गायकपिंसं हालाः न्यंकेगु ज्या जूगु खः ।