राष्ट्रिय

येँ – ३ नम्बर प्रदेशया मुख्यमन्त्री डोरमणि पौडेलयात नेवाः–ताम्सालिङ समितिं ज्ञापनपत्र लःल्हाःगु दु । समितिया पदाधिकारीतय्पाखें नेवाः देय् दबूया नायः नरेश ताम्रकारं म्हिगः राजधानी हेटौंडाय् वय्कःयात नापलानाः ज्ञापनपत्र लःल्हाःगु खः । ज्ञापनपत्रय् ३ नम्बर प्रदेशया नां ‘नेपालमण्डल’ तयेमाःगु, थ्व प्रदेशय् नेपालभाषा व तामाङ भाय्यात नं सरकारी भाय् दयेकेमाःगु आदि माग दुथ्यानाच्वंगु दु । ज्ञापनपत्र लःल्हाना कायेधुंकाः मुख्यमन्त्री पौडेलं […]

येँ -वंगु न्यागू दश न्ह्यवंनिसें संसारयात न्हीका वया च्वनादीम्ह हास्य कलाकार मदन–कृष्ण श्रेष्ठ म्हीग तसकं ख्वयादिल । ताउत हे ख्वयादिल । वय्कलं थनिं ४५ दँ न्ह्यः छगू क्रान्ति हे याये थें इहिपा यानादीम्ह जहान मय्जु यशोदा श्रेष्ठ सुवेदी म्हीग बहनी १०.४५ बजे मंत । थनया पशुपतिइ म्हिगः वय्कःया अन्त्येष्टि । अन्त्येष्टिजःछि हे श्रेष्ठया मिखां ख्वबि हायाच्वन । हायांच्वन । पशुपतिइ […]

थिमि – नेपाःया निंतिं जापानी राजदूत मासासि ओगावां भुखाचं क्षति जूगु सम्पदाया अवलोकन यानादीगु दु । राजदूत ओगावां २०७२ साल बैशाख १२ गतेया विनाशकारी तःभुखाचं क्षति याःगु मध्यपुर थिमिया सम्पदाया अवलोकन यानादीगु खः । उगु इलय् मध्यपुर थिमि नगरपालिकाया प्रमुख मदनसुन्दर श्रेष्ठं राजदूत ओगावायात मध्यपुर थिमिया थीथी लागाय् भुखाचं लाःगु क्षतिया अवलोकन याकेगु नापं जानकारी याकूगु खः । […]

येँ – जनगायक भृगुराम श्रेष्ठया ८५ दँया ज्याथःगु बैंशय् वयां वय्कःया न्हापांगु एकल सांगीतिक ज्याझ्वः जुल । जनगायक श्रेष्ठया लोकंह्वाःगु छपु म्येँ ‘माया रे रत्न’या नामं हे थनया राष्ट्रिय नाचघरय् जूगु ज्याझ्वलय् जनगायक श्रेष्ठं थःगु अतिकं लोकंह्वाःगु भाषा, मतिना, धार्मिक यानाः थीथी झिंनिपु म्येँ न्ह्यब्वयादीगु खः ।जयश्री संगीत समाजया ग्वसालय् जूगु ज्याझ्वः प्रतिनिधिसभाया दुजः रामवीर मानन्धरं त्वाः […]

येँ – नेपालं भारतपाखे मिसा मस्त मी यंकेगु ज्यायात पनेगु लागिं सरकारं थीथी कथंया पलाः न्ह्याकूसां थ्व तस्करी धाःसा दँय्दसं हे अप्वया वनाच्वंगु खँ सीदुगु दु । भारतया सीमा सुरक्षा बलं तयार याःगु छगू प्रतिवेदन कथं नेपाःया मिसा मस्त भारतपाखे मी यंकेगु थ्व ज्या वंगु न्यादँया दुने ५०० प्रतिशतं अप्वःगु दु । नेपाःया मिसा मस्तय्त विशेष यानाः […]

यल- थ्वहे वइगु वैशाखं ९९ दँय् थ्यनीम्ह वाङ्मय शताब्दीपुरुष सत्यमोहन जोशीयात यल महानगरपालिकां छगः गाडी, छम्ह चालक व छम्ह सुरक्षा गार्डया व्यवस्था याःगु दु । उमेरं ९९ दँ थ्यनेधुंकूम्ह जूसां थःत ब्वना हइगु हरेक ज्याझ्वलय् थ्यंकादीम्ह भाजु जोशीयात उखें थुखें जुइत अःपुइमा धकाः यल महानगरपालिकां थ्व व्यवस्था याःगु खः । थुकिं भाजु जोशीया सक्रियतायात अझ च्वन्ह्याकीगु आशा […]