राष्ट्रिय

येँ – भारतया रक्सौलंनिसें नेपाःया अमलेखगञ्ज तक पेट्रोल हइगु पाइप लाइन लायेगु ज्या म्हिगः मंगलवाः निसें औपचारिक रुपं न्ह्यात । म्हिगः बाराया प्रमुख जिल्ला अधिकारी विजयनारायण मानन्धरं नेपाःपाखे पाइप लाःगु थासय् चां ल्हाकाः परियोजना शुरु यानादीगु खः । अमलेखगञ्जं निसें रक्सौल तक ३६.२ किलोमिटर व रक्सौलं मोतिहारी तक ३२ किलोमिटर पाइप लाइन लायेत्यंगुखः । प्रधानमन्त्री केपी ओली भारत […]

येँ – स्वनिगः समेत दुथ्याःगु ३ नम्बर प्रदेशय् मिसापिं सांसदतय्गु औपचारिक पोशाकय् नेवाःतय्गु हाकुपतासि व तामाङतय्गु श्यामा नं समावेश जुइगु जूगु दु । ३ नम्बर प्रदेश सभाया सभामुख सानु श्रेष्ठं ‘नेपालभाषा टाइम्स’ यात कनादी कथं विशेष न्हि कुन्हु अनिवार्य रुपं पुना वयेमाःगु औपचारिक पोशाक थुकथं जुइ धकाः प्रस्ताव वनेधुंकूगु दु । थुकी ग्रे कोट, हाकुगु लाकांया लिसें […]

येँ – याकनं हे एकीकरण जुइत्यंगु एमाले व माओवादी केन्द्र एकता जुइधुंकाः न्हूगु पार्टीया चुनाव चिं ‘सूर्य’ जुइगु खँय् सहमति कायम जूगु दु । पार्टी एकता संयोजन समितिया म्हिगः च्वंगु बैठकय् थ्व सहमति जूगु खः । थ्व बाहेक ल्यं दनिगु मेमेगु विषयय् निर्णय यायेगु जिम्मा धाःसा निगुलिं पार्टीया शीर्ष नेतातय्त बिउगु दु । मेमेगु विवादया विषययय् निर्णय यायेगु […]

येँ – राजोपाध्याय समाजं स्वनिगःया स्वंगुलिं जिल्लाय् समन्वय समिति गठन यायेगु झ्वलय् येँ जिल्ला समन्वय समिति गठन याःगु दु । नेवाः समुदाय दुने सनातनी धर्मावलम्बितय् पुरोहित कथं कयातःपिं राजोपाध्याय समुदायया समाजया येँ जिल्ला समिति गठन याःगु खः । येँय् च्वंपिं समाजया दुजःपिनिगु छगू भेलां विरु सुवेदी राजोपाध्यायया संयोजकत्वय् न्हय्म्हेसिया येँ जिल्ला समन्वय समिति गठन याःगु खः । सर्वसम्मत […]

येँ – मानवीय सेवाय् दकलय् अग्रणी संस्था नेपाल रेडक्रस सोसाइटी (नेरेसो) नं आः संघीय संरचनाय् वनीगु जूगु दु । नेरेसों संघीय संरचनाकथं थःपिनिगु सांगठनिक संरचना हिलेगु निर्णय याःगु खः । विराटनगरय् नकतिनि क्वःगु ४७ क्वःगु महाधिवेशनं विधानयात ईकथं ल्वयेक हिला यंकागु केन्द्रीय सभापति संजीव थापां कनादिल । वय्कलं महाधिवेशनं राज्यया थीथी तहय् क्वःछिनातःगु कार्यकारी पदय् निर्वाचित जूम्ह आः […]

येँ  – पेट्रोल ल्ह्यइगु ट्यांकरय् तयाः गजि तस्करी जुयाच्वंगु लूगु दु । लागू औषध नियन्त्रण ब्युरोया प्रहरी पुचलं ना. ४ ख ५३८७ नम्बरया ट्यांकरया क्याबिनय् १६० केजी गजि सहित निम्हेसित ज्वंगु खः । प्रहरीया कथं न्हय्गू प्लाष्टिक बोराय् उगु गजि प्याक याना हःगु खः । ज्वंपिं मकवानपुरया २२ दँया सोमबहादुर थोकर व २६ दँया इमानसिंह स्याङ्बो खः । उमित […]