अन्तर्राष्ट्रिय

एजेन्सी- युक्रेनया आवासीय शहर सुमीइ रुसं याःगु हवाइ आक्रमणय् लानाः २२ म्ह सर्वसाधारण सीगु बिबिसिं धाःगु दु । सुमी लागाया प्रशासक दिमित्रो झिभित्सकीया कथं रुसं आवासीय लागाय् बहनी याःगु हवाइ बम आक्रमणय् लानाः स्वम्ह मस्तलिसें २२ म्ह सीगु जानकारी बिउगु दु । प्रशासक दिमित्रों बिउगु जानकारीकथं चान्हय् रुसं उगु लागाय् स्वंगः बम कुर्कूगु खः । […]

एजेन्सी- अस्ट्रेलियाया प्रधानमन्त्री स्कट मोरिसनं बुधवाः अस्ट्रेलियाय् राष्ट्रिय आपतकाल घोषणा याःगु दु । थनया निगू राज्यय् तसकं वा वयाः वःगु खुसीबालं २० म्ह मनू सीगु व द्वलद्वः मनूत थःगु छे त्वःतााः वनेमाःगुलिं आपतकाल घोषणा याःगु खः । वंगु निवाः न्ह्यवनिसें तसक वा वयाः यक्व हे छेँ डुबानय् लाःगु दु । गुकिं यानाः द्वलंद्वः मनूत छेँ […]

एजेन्सी- पश्चिमी देय्तय्स चिकं निर्यातय् प्रतिबन्ध तल धाःसा युरोपय् ग्यासया आपूर्ति बन्द यायेगु ख्याच्वः रुसं बिउगु दु । रुसया उपप्रधानमन्त्री अलेक्सान्डर नोभाकं चिकंया आपूर्तिइ प्रतिबन्ध तल धाःसा विश्वन्यकं विनाशकारी लिच्वः लाइगु व चिकंया मू निदुगं जुयाः प्रति ब्यारल ३०० डलर थ्यनीगु ख्याच्वः बिउगु दु । अमेरिकां थीथी देय्लिसे जानाः रुसयात चिकंया आपूर्ति प्रतिबन्ध तयेत स्वयाच्वंगु […]

एजेन्सी- अस्ट्रेलियाया सिड्नीइ तसक वा वयाः वःगु खुसीबाःया कारणं द्वलंद्वः मनूत थःगु छेँ त्वःताः वनेत बाध्य जूगु दु । पूर्वी अस्ट्रेलियाय् वःगु खुसिबालं सिड्नी निम्ह मनू सीगु दु । निवाःया दुने अस्ट्रेलियाया न्यू साउथ वेल्स व क्वीन्सल्याण्डय् वा वयाः वःगु खुसीबालय् लानाः आःतक २० म्ह मनू सीधुकंूगु दु । खुसीबाःया दकलय् अप्वः प्रभाव सिड्नीइ लाःगु […]

मार्टा शोकालो सम्पादक, बिबिसी युक्रेनी सेवा जिमिथाय् रुसं आक्रमण याःगु निवाः दयेधुंकुल । आः ला जिं ख्वयेगु नं त्वःतेधुन । जिगु न्हि छन्हु न्ह्यवया समाचार ब्वब्वं सुरु जुइ । जिं थुबलय् युक्रेनन्यंकं जूगु न्हूगु विस्फोटया घटना ल्याखायेगु जुइ । छुं न्हि न्ह्यः जिमि बाः च्वनाच्वंगु किएभ शहरय् जूगु रकेट आक्रमणया घटना लिसें जि न्ह्यलं चाःगु […]

एजेन्सी- रुसं युक्रेन त्वःता वनीपिनिगुनिंतिं बेलारुस व रुस जुयाः वनेगु लँ चायेकेगु धकाः तःगु प्रस्तावयात युक्रेनं अस्वीकार याःगु दु । युक्रेनं रुसया थ्व प्रस्ताव पूर्वक अनैतिक जूगु खँ धाःगु दु । युक्रेनया राष्ट्रपति भोलोदिमिर जेलेन्स्कीया छम्ह प्रवक्तां रोयटर्स समाचार संस्था लिसे खँ ल्हासें जनताया पीडायात टेलिभिजनय् क्यनेगु तस्बिर कथं छ्यली, थ्व तसकं अनैतिक ज्या खः […]