शक्ति गौचनं संन्यास काइगु

येँ – राष्ट्रिय क्रिकेट टिमया भेट्रान कासामि शक्ति गौचनं संन्यास कायेगु घोषणा याःगु दु । लेग स्पिनर गौचनं नेपाः व नेदरल्यान्ड दथुइ जुइगु एकदिवसीय म्याच लिपा संन्यास कायेत्यंगु खः ।नेपालं वइगु साउन १३ गते निसें जुइगु त्रिकोणात्मक टि–२० सिरिजय् नेदरल्यान्ड व एमसिसी नाप लर्डसय् म्हिती ।

साउन १६ व १८ गते नेपालं न्हापांगु एकदिवसीय कासा नेदरल्यान्ड नाप म्हिती । थ्व हे कासा गौचनया अन्तिम अन्तर्राष्ट्रिय कासा जुइ ।
भैरहवाया शक्ति गौचनं मुम्बइ वनाः क्रिकेट म्हिते सयेकूगु खः । सन् २००० य् नेपाःया निंतिं यु १७ य् म्हितूम्ह गौचनं सन् २००२ लय् ओमान विरुद्ध म्हिताः राष्ट्रिय टिमय् डेब्यु याःगु खः । शक्ति गौचन अन्तर्राष्ट्रिय क्रिकेटय् ह्याट्रिक याःम्ह न्हापांम्ह नेपाली कासामि खः ।