पश्चिमी सेती आयोजना बारे निला दुने निष्कर्ष पिकायेत निर्देशन

येँ – सरकारं सौर्य ऊर्जाया निंतिं २० करोड अमेरिकी डलर बराबरया वैदेशिक लगानी स्वकृत याःगु दु । प्रधानमन्त्री केपी ओलीया अध्यक्षताय् च्वंगु लगानी बोर्डया ३१ औं बैैठकं सौर्य ऊर्जा उत्पादन व व्यवस्थापन परियोजनाया निंतिं डोल्मा फण्ड म्यानेजमेन्टयात २० करोड अमेरिकी डलर बराबरया लगानीयात स्वीकृति याःगु खः ।

बैठकं स्वनिगःया एकीकृत फोहरमैला व्यवस्थापन परियोजना अन्तर्गत न्हापांगु प्याकेजया कार्यान्वयनया निंतिं नेपवेस्ट कम्पनी प्रा.लि.लिसे वार्ता यानाः तयार याःगु परियोजना विकास सम्झौतायात नं स्वीकृत याःगु खः ।

थ्व प्याकेज अन्तर्गत येँ मनपा, दक्षिणकाली, चन्द्रागिरि, नागार्जुन, तारकेश्वर, तोखा, बुढानिलकण्ठ, गोकर्णेश्वर, कागेश्वर मनहरा व शंखरापुर नगरपालिकायात दुथ्याकातःगु दु ।

अथेहे बैठकं पश्चिमी सेती जलविद्युत आयोजना याकनं न्ह्याकेत लगानी बोर्डया ज्याकूयात अर्थ व ऊर्जा तथा सिँचाइ मन्त्रालयलिसे समन्वय यायेत परियोजना सम्बन्धय् चाइना थ्री गर्जेज इन्टरनेशनल कर्पोरेशनलिसे सहलह यायेत व निला दुने निष्कर्ष पिकायेत नं निर्देशन बिउगु दु ।

नेपालभाषा टाइम्स

च्वमिया मेमेगु

• महानगरपालिकापाखें प्लास्टिकया क्रिसमस ट्रीयात निषेध
• च्वबहाःस्थित सुक्खा बन्दरगाह निजी क्षेत्रयात संचालन याकेबिइत सम्झौता
• खुल्ला हनुमानध्वाखा योजना न्हापा हे दुसां ज्या मन्ह्याःगु छाय् ?
• झिंप्यंगू किलो लुँ सहित निम्हेसित ज्वन
• ठमेलया दुवाः दुवातय् सिसी क्यामेरा