केरुङ नाकाय् व्यवसायीतय्त पास व्यवस्था यायेत माग

येँ – नेपाल राष्ट्रिय व्यवसायी महासंघं नेपाली व्यवसायीतय्त केरुङ नाका दुहां वनेगु निंतिं छन्हुया पासया व्यवस्था यानाबीत माग याःगु दु ।
महासंघया अध्यक्ष नरेश कटुवालया नेतृत्वय् वंगु छगू पुचलं आइतवाः परराष्ट्रमन्त्री प्रदीप ज्ञवालीयात नापलासें रसुवाया जनतायात जक पास बिया वयाच्वंगु सरकारं देय्न्यंकं व्यवसायीयात छन्हुया पास बीगु व्यवस्था मिले यानाबीत माग याःगु खः ।

अथेहे महासंघं भन्सारय् याउँक व्यवसायीतय् पहुँचु दयेमाःगु, व्यवसायीया सुरक्षा प्रत्याभूत जुइमाःगु, तातोपानी नाका याकनं चायेकेमाःगु माग नं न्ह्यब्वःगु दु ।

परराष्ट्रमन्त्री ज्ञवालीं ज्ञापनपत्र लःल्हाना कयादिसें नेपाःया परराष्ट्र स्वइगु पुचः व चीनया समकक्षी पुचः दथुइ भन्सारया विषयय् सहलह जुयाच्वंगु व याकनं हे सकारात्मक लिच्वः वइगु खँ कनादीगु खः ।

सम्बन्धित बुखँ

LEAVE YOUR COMMENTS