पद्मरत्न तुलाधरया हुलाक टिकट

येँ (नेपालभाषा टाइम्स)- नेपाल सरकारं नेवाः न्ह्यलुवा लिसें मानव अधिकारकर्मी पद्मरत्न तुलाधरया हुलाक टिकट पिकाःगु दु । म्हिगः व्यक्तित्व शीर्षकया न्याम्ह व्यक्तित्वपिनि हुलाक टिकट सार्वजनिक याःगुली तुलाधरया टिकट नं लाःगु खः ।

सरकारं तुलाधरया १० तका वंगु हुलाक टिकट पिकाःगु खः । म्हिगः सञ्चार मन्त्रालयय् जूगु छगू ज्याझ्वलय् सञ्चार मन्त्री रेखा शर्मां हुलाक टिकटय् टाँचा तयादीगु खः । उगु ज्याझ्वलय् पद्मरत्न तुलाधर लुमंति गुथिया दुजःपिनि नं उपस्थिति दुगु खः ।

तुलाधरया लिसें सरकारं आरोही आङरिता शेर्पा, गायिका कोइली देवी व साहित्यकारपिं पूर्णप्रकाश नेपाल ‘यात्री’ लिसें माधवप्रसाद देवकोटाया नं हुलाक टिकट सार्वजनिक याःगु खः । थ्व हुलाक टिकटया ‘फस्र्ट डे कभर’ डिल्ली बजार व बबरमहलया हुलाक विभागय् न्यायेगु दु ।