ख्यालि न्हिली

मिल्क टी व ब्ल्याक टी स्वयां ग्रीन टी त्वनेगु व त्वंकेगुया आपालं फाइदा दु ।
— चिनी व दुरुया खर्च बचत जुइ ।
— बिस्कुटया खर्च नं बचत जुइ ।
— धनाढ्य जूगु महसुस जुइ ।
— च्या थप काइमखु ।
महत्वपूर्ण खँ ला थ्व दु कि सुं नं पाहां हाकनं छेँय् वयेगु कुतः याइमखु ।
ह्ह्ह्
न्ह्यसः अरेन्ज म्यारिजय् पारपाचुके म्हो जक जुइ । छाय् खः ?
लिसः गुम्हेसिनं थःगु इच्छाकथं इहिपा तक ला याये मखं वं छु धकाः पारपाचुके कायेगु आँट याइ ?
ह्ह्ह्
छगू पार्कय् छज्वः प्रेमी च्वनाः खँ ल्हानाच्वन । मिजंनं धाल— ‘प्रिय ! छंगु व मिखाय् जिं सारा संसार खनाच्वना ।
अबलय् लाक्क इमिगु न्ह्यःने छम्ह अय्लाःगुलु थ्यंकः वल । अले वं धाल— भाई, अथे खःसा प्रहरीं गन गन चेकिंग यानाच्वंगु दु । स्वयाबिउ सा ।

सम्बन्धित बुखँ

LEAVE YOUR COMMENTS