ज्याकलिनया मिखाय् चोट

थःगु न्हूगु वयेत्यंगु फिल्मया शुटिंगया झ्वलय् बलिउड नायिका ज्याकलिन फर्नाण्डिस घाःपाः जूगु दु । ‘रेस–३’या शुटिंगया झ्वलय् ज्याकलिन घाःपाः जूगु खः । तर थ्व घटना धाःसा करिब स्वला दयेधुंकूगु दु । ज्याकलिनयात शुटिंगया झ्वलय् मिखाय् चोट लाःगु खः ।

ज्याकलिनं थःगु मिखाय् चोट लाःगु छपाः किपायात सामाजिक संजाल ‘इन्स्टाग्राम’ अबलय् पोस्ट खः । तर आः वयाः हाकनं ज्याकलिनं उगु किपा सेयर याःगु दु ।ज्याकलिनं उगु फोटोया क्याप्सनय् ‘थ्व छगू पर्मानेन्ट चोट खः, जिगु मिखाफुसि आः गबलें नं न्हापां जुइ फइमखुत । तर व स्वयां नं तःधंगु खः जिं आतक नं खंके फयाच्वंगु दु ।’

शुटिंगया इलय् घाःपाः जूम्ह ज्याकलिनयात चोट लाःगु फिल्मया निर्माता रमेश तौरानीं नं स्पष्ट याःगु दु । निर्माता तौरानीं धाःगु दु, ‘फिल्मया छगू दृश्यकथं ज्याकलिनं स्क्वाश म्हिताच्वंगु इलय् वयागु मिखाफुसि च्वसं छकू घाः लाःगु खः। व आः ठिक जुइधु.कूगु दुसा शुटिंग नं शुरु याये धुंकूगु दु ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः