
येँ – विश्व वातावरण दिवसया लसताय् विश्व सम्पदाया धलखय् दुथ्यानाच्वंगु स्वयम्भूइ सुचुकुचु यायेगु ज्या जूगु दु । विश्व वातावरण दिवसया लसताय् ट्रेकिंग एजेन्सीज एशोसियसन अफ नेपाल (टानं) स्वयम्भू लागाया सुचुकुचु याःगु खः ।येँ महानगरपालिका १५ वडाया ग्वाहालि नापं थीथी संघसंस्था, सुरक्षा निकायया प्रतिनिधलिसें पर्यटन व्यवसायीतय् सहभागिताय् टानं स्वयम्भू लागाया सुचुकुच याःगु खः ।
सुचुकुचु ज्याझ्वःया उलेज्या नेपाल पर्यटन बोर्डया प्रमुख कार्यकारी अधिकृत दीपकराज जोशीं यानादीगु खः । उगु इलय् वय्कलं जलवायु परिवर्तनया नकारात्मक लिच्वःया कारणं वातावरण न्हियान्हिथं स्यना वनाच्वंगु खँय् चिउताः प्वंकादीगु खः । येँ मनपा १५ वडाअध्यक्ष इश्वरमान डंगोलं विश्वसम्पदाया धलखय् दुथ्यानाच्वंगु स्वयम्भू थीथी देय्या आपालं पर्यटकत चाःहिउ वइगु थाय् जूगुलिं उगु थाय्यात न्ह्याबलें सुचुकुचु याना तयेमाः धयादिल ।
LEAVE YOUR COMMENTS