अक्षयया इमान्दारिता

बउिउड फिल्म उद्योगया एक्सन स्टार अक्षय कुमारया चेतनामूलक छगू उत्पादनया ‘लन्च’ याःगु दु । भारतया केन्द्र सरकार व स्वस्थ भारतया कुतलय् क्यान्सररोधक उत्पादन ‘स्वर्ण साथी’या लन्च याःगु खः । अक्षयं अभिनया यानातःगु उत्पादनया विज्ञापन सार्वजनिक जुइवं वयात आपालं मेमेगु निजी कम्पनीं थःपिनिगु नं विज्ञापनय् म्हिता बीत धासें ‘अफर’ यायेगु शुरु जूगु दु । उकिया निंतिं कम्पनीतय्सं अक्षयं गुलि धाल उलि हे ध्यबा बीत नं तयार जूगु दु ।

तर अक्षयं इपिं सकसिगुं प्रस्तावयात अस्वीकार याना बिउगु दु । अक्षयं गुगुकथंया हानिकारक उत्पादनया विज्ञापनय् म्हितेगु जुइमखु धासें इमिसं प्रस्ताव याःगु पारिश्रमिकयात नं अस्वीकार याना बिउगु खः । अक्षयं छुं नं उत्पादनया विज्ञापनय् स्वयां न्ह्यः उकिया विस्तृत रुपं छानविन यायेगु व उत्पादनया सही व सत्यतथ्ययात दुग्यंक दुवालेगु याना वयाच्वंगु दु ।

उलि जक गन खः धकाः अज्याःगु उत्पादनत गुलितक स्वस्थकर जू वा मजू धइगु स्वयेगु निंतिं व स्वयम थम्हं हे उकिया प्रयोग याना स्वयेगु जक मखु उकी प्रयोग जुइगु हलंज्वलंया जांच यायेगु नापं इमिसं कयातःगु दक्वं धइथें प्रमाण पत्रया नं जांच यायेगु याइगु खः ।