फ्यानयात बर्थडे गिफ्ट

बलिउड अभिनेत्री दीपिका पादुकोण ३३ दँ क्यंगु दु । नकतिनि जक वैवाहिक जीवनय् दुहां वःम्ह दीपिकां थःगु बुन्हिया लसताय् छगू वेबसाइट नं लन्च याःगु खः, गुगु वेबसाइट दीपिकां थः फ्यानय् निंतिं धकाः लन्च याःगु खः । वंगु जनवरी ५ तारिखकुन्हु लन्च याःगु दीपिकाया वेबसाइटया नां खः deepikapadukone.com ।

दीपिकाया वेबसाइटय् वयागु फिल्मी जिन्दगीया आपालं उतारचढावया बारे दक्वं जानकारी उपलब्ध जुइगु खँ धाःगु दु । दीपिकां थः फ्यानतय्त समर्पित यानाः संचालनय् हःगु बेवसाइट धाःसा छुं ई लिपा हे बन्द जुयाबिल । उकिया कारण खः वया हे फ्यानत ।

दीपिकाप्रति वया फ्यानतय् लगाव थनतक थ्यंगु खने दत कि वेबसाइट लन्च जूगु स्वघौतक अत्याधिक मात्राय् वया फ्यानतय्सं स्वःगुलिं यानाः वेबसाइट हे ठप्प जुया बिउगु खः । वयां स्वघौ लिपा धाःसा हाकनं संचालन जुल ।थुगु वेबसाइटय् दीपिकाया फिल्म जीवनया संघर्षया बारे नापं मनोरञ्जनसम्बन्धी व दीपिकालिसे सम्बन्धित जानकारी काये फइगु जूगु दु ।