जरिनया हट व सेक्सी अवतार

बलिउड नायिका जरिन खान बलिउड फिल्म उद्योगय् दुहां वये न्ह्यः व छगू कल सेन्टरय् ज्या याइम्ह खः । वं गबलें विचाः याःगु खइमखु कि छन्हुया दिनय् व बलिउड फिल्म उद्योगय् दुहां वनेगु जुइ । कल सेन्टरय् ज्या यानाच्वंगु इलय् वयागु म्हगः बलिउड फिल्म क्षेत्रया निंतिं ‘फिट’ मजू । छाय्कि उगु इलय् व १०० किलो तौल दुगु खः ।

उकिं व फिल्मय् अभिनय यायेगु म्हगस तक नं खंगु खइमखु । छन्हु बलिउडया सुपरस्टार सलमान खानया ‘युवराज’ संकिपाया शुटिंग जुयाच्वंगु इलय् जरिन फिल्म सेटय् थ्यंकः वन । अन सलमानं वयात खन । जरिनयात युवराजया फिल्म सेटय् सलमानं खंगु जक मखु तत्काल हे वयात थःगु न्हूगु संकिपा ‘वीर’या मुख्य अभिनेत्रीया भूमिकाया निंतिं अफर नं याःगु खः ।

वयां लिपा छु माल धकाः जरिनया बलिउडय् छगूकथंया भाग्यया खाता चाल । अनंलि छगू लिपा मेगु फिल्मय् खने दयेकः वःम्ह जरिन खान थ्व इलय् वयात बलिउडया हट व सेक्सी अवतारया रुपय् कायेगु यानाच्वंगु दु ।