ने. सं. ११४६ सिल्लाथ्व द्वादशी - शहिद दिवस

ट्राफिक व्यवस्थापनया निंतिं न्हूगु योजना हइगु

येँ (नेपालभाषा टाइम्स)/ बागमती प्रदेश सरकारं स्वनिगःया ट्राफिक व्यवस्थापनया निंतिं योजना हइगु जूगु दु । बागमती प्रदेशया मुख्यमन्त्री इन्द्रबहादुर बानियाँया अध्यक्षताय् स्वनिगःया ट्राफिक व्यवस्थापन सम्बन्धी जूगु बैठकय् ट्राफिक व्यवस्थापन सम्बन्धय् योजना दयेकेगु निर्णय याःगु खः । मुख्यमन्त्री बानियाँ स्वनिगःया ट्राफिक व्यवस्थापन प्रभावकारी दयेकेत मातहतया निकाययात निर्देशन नं बियादीगु दु ।
बैठकय् काठमाडौं उपत्यका ट्राफिक प्रहरी कार्यालयया प्रमुख वरिष्ठ प्रहरी उपरीक्षक नवराज अधिकारीं स्वनिगःया ट्राफिक व्यवस्थापनया अवस्था बारे जानकारी याकूगु खः । बैठकय् प्रदेशया श्रम, रोजगार तथा यातायात मन्त्रालयं अल्पकालीन व दीर्घकालीन योजना दयेकाः कार्यान्वयनय् हयेगु खँ मन्त्री जयराम थापां कनादीगु दु ।