अमेरिकाय् नेपालभाषाया कक्षा न्ह्यात
येँ (नेपालभाषा टाइम्स)÷ नेवाः अर्गनाइजेशन अफ अमेरिका, सियाटल कचाया ग्वसालय् थुगु वाःनिसें नेपालभाषा स्यनेगु ज्या जूगु दु ।
नेवाः भाय् मसःपिं नेवाः, गैर नेवाः व अमेरिकनतसें थुगु कक्षाय् ब्वति कयाच्वंगु दु । शिकागोय् च्वनाच्वनादीम्ह नेपालभाषाया बाखं च्वमि लिसें हलिं नेवाः दबू अमेरिका कक्षाया सिनियर भाइस प्रेसिडेन्ट केशरमान ताम्राकार पाखे जूम प्रविधि छ्यलाः प्रत्येक सोमवाः बहनी ६ निसें ७ बजे तक कक्षा न्ह्याकूगु खः ।
भाजु केशरमान ताम्राकार पाखें सन् २०२० निसें अमेरिकाया थीथी राज्यय् च्वनाच्वंपिं नेवाः भाय् ल्हाय् सयेके यःपिंत स्यना च्वनादीगु खः । आःतक नेवाः अर्गनाइजेशन अफ अमेरिका, फ्लोरिडा कक्षा, नेवाः अर्गनाइजेशन अफ न्यू इंग्ल्यान्ड बोस्टन व हलिं नेवाः दबू अमेरिका कचाया ग्वसालय् दँय्दसं थथे हे नेपालभाषा कक्षा संचालन यानाच्वनादीगु दु ।
LEAVE YOUR COMMENTS