सर्वोच्चया आदेशं स्वनिगःया स्थानीय वासिन्दा उठिबास जुइगु अवस्था
येँ (नेपालभाषा टाइम्स)÷ राष्ट्रिय मुक्ति क्रान्तिया संयोजक राजेन्द्र महतों स्वनिगःया खुसीं ४० मिटर तक दयेकूगु संरचना चीकेत सर्वोच्च अदालतं याःगु आदेश प्रति असन्तुष्टि प्वंकादीगु दु । संयोजक महत्वं म्हिगः छगू विज्ञप्ति जारी यासें अदालतया आदेशयात कयाः असन्तष्टि प्वंकूगु खः ।
वय्कलं पिथनादीगु वक्तव्य थीथी मितिइ मन्त्रिपरिषदं क्वःछिउगु खुसी व सतकया मापदण्ड सम्बन्धी निर्णय कार्यान्वयनया सन्दर्भय् पुलांगु नगर विकास कोष, काठमाडौं उपत्यका विकास प्राधिकरण व अधिकार सम्पन्न बागमती सभ्यता एकीकृत विकास समितिपाखें याःगु सतक विस्तारं स्वनिगःया रैथाने मूलवासी पीडित जुयावयाच्वंगु इलय् आः सर्वोच्च अदालतं स्वनिगःया मू व सहायक खुसीया हकय् जवय् खवय् म्होतिं नं थप २० मिटर तक गुगुं नं कथंया संरचना दयेके मदइगु मापदण्ड कायम जुइगु फैसला याःगुलिं स्वनिगःया स्थानीय वासिन्दा उठिबास जुइगु अवस्था ब्वलंगु खँ धयातःगु दु ।
सर्वोच्च अदालतं जग्गाधनीतय् यथार्थ मथुइकूसे मापदण्ड क्वःछिउगुलिं थुकिं तसकं हे मर्काय् लाइगु जुयाः निजी जग्गा थुवाःया यथार्थ स्थिति थुइका न्याय पुनरावलोकन यायेमाःगु खँ नं महतो जारी याःगु विज्ञप्तिइ धयातःगु दु ।
LEAVE YOUR COMMENTS