थौं नं तसकं वा वइगु

येँ (नेपालभाषाा टाइम्स)- जल तथा मौसम विज्ञान विभागं थौं नं थीथी थासय् तसकं वा वयेफुगु खँ धाःगु दु । तसकं वा वःगु कारणं थीथी थासय् चलः वनेफुगुलिं जोखिम दुगु जिल्लाय् रात्री बस चले मयायेत राष्ट्रिय जोखिम न्यूनीकरण तथा व्यवस्थापन प्राधिकरणं इनाप याःगु दु । चान्हय् चलः वनेफुगु थाय् सीकेमफइगु धासें रात्री बस चले मयायेत प्राधिकरणं इनाप याःगु खः ।

प्राधिकरणं ३४ गू जिल्ला उच्च जोखिमय् दुगु खँ धाःगु दु । प्राधिकरणं ताप्लेजुङ, पाँचथर, संखुवासभा, तेह्रथुम, रसुवा, सिन्धुपाल्चोक, चितवन, दोलखा, धादिंग, नुवाकोट, म्याग्दी, बाग्लुङ, कास्की, पवर्तन, स्याङ्जा, तनहुँ, पूर्वी नवलपरासी, लमजुङ, गोरखा, कपिलवस्तु, रुपन्देही, पाल्पा, गुल्मी, दाङ, बाँके, बर्दिया, प्युठान, अर्घाखाँची, रुकुम पपश्चिम, कैलाली, कञ्चनपुर, डडेलधुरा, डोटी व बैतडीयात यात उच्च जोखिम दुगु धलखय् तयातःगु दु ।