बाँसबारीया जग्गा नःपिं अरुण चौधरीसहित स्वम्ह ज्वन

येँ (नेपालभाषा टाइम्स)- बाँसबारी छाला जुत्ता कारखानाया जग्गा निजी यानाः काःगु द्वपनय् प्रहरीया सीआईबीं व्यवसायी अरुण चौधरी, कारखाना सञ्चालक समितिया प्रमुख अजितमानसिंह थापा व चाँदबाग रिजेन्सी प्रालिया अध्यक्ष सञ्जय ठाकुरयात ज्वंगु दु । उमिसं बाँसबारी कारखानाया १० रोपनी जग्गा नःगु द्वपं दु । अरुण चौधरी खर्बपति व्यापारी विनोद चौधरीया कान्छाम्ह किजा खः ।

चाैधरी लिसें थापायात प्यन्हु हिरासतय् तयाः अनुसन्धान यायेत जिल्ला अदालत येँ नं अनुमति बिउगु दु । येँ जिल्ला अदालतया न्यायाधीश माधवप्रसाद घिमिरेया इजलासं बिहीवाः हे उमित हिरासतय् तयाः अनुसन्धान यायेत अनुमति बिउगु खः । ठाकुरयात धाःसा कन्हय् जक अदालत यंकीगु जूगु दु ।