नेपाः डान्स एकेडेमीया नृत्य मेला क्वचाल
येँ (नेपालभाषा टाइम्स)÷ नेपाः डान्स एकेडेमीं वंगु आइतबाः राष्ट्रिय नाचघर जमलय् १५० म्ह थः विद्यार्थीपिनिगु ७० पु नृत्य विधा न्हयब्वयेगु ज्या जूगु खः । गणेश बन्दनापाखें शुरु जूगु ज्याझ्वःथ्यंमथ्यं प्यघौ लगातार मन्चन जूगु खः ।
येँ महानगरपालिकाया उप प्रमुख सुनिता डंगोल मुँपाँहा कथं झायादीगु खःसा विशेष पाँहा यज्ञमान पनि वज्राचार्य झायादीगु खः । ४ दँ निसें ५४ दँतकया विद्यार्थीपिंसं छगू हे रमञ्चय् थःपिनि प्रतिभा न्ह्यब्वःगु शायद नेपाः डान्स एकेडेमीं दकलय् न्हपां रेकर्ड दयेकूगु दु ।
येँया नेवाः समाजय् ब्वलना नृत्य ख्यलय् छुं याये धइगु अभिलाषा ज्वना सन् २०१० य् रोहिया महर्जन व रीना महर्जन निम्ह जानाः नीस्वंगु संस्था खः– नेपाः डान्स एकेडेमी ।
नेपाः डान्स एकेडेमी छगू थज्याःगु नृत्य संस्था खः गन विगत भिंmस्वदँनिसें लगातर न्हूपिं प्रतिभाशाली मस्तनिसें कयाः ल्याय्म्ह, वयस्क ज्येष्ठ नागरिकपिं तक नृत्य स्यनेत न्ह्याः वनाच्वंगु दु ।
थन थीथी कथं नृत्य गथेकि लोक नृत्य, नेवाः नृत्य, झ्याउरे, मारूनी, सोरथी, धिमे, तामाङ्ग सेलो, कथक, भरतनाट्यम, हिपहप निसें कयाः बलीवुड स्टाइलया ७० स्वयाः अप्वः नृत्य विधाय् विद्यार्थीपिंसं प्रशिक्षण कया वयाच्वंगु दु ।
LEAVE YOUR COMMENTS