विदेश वनीपिंत स्वन्हुया दुने लाइसेन्स
येँ (नेपालभाषा टाइम्स)-यातायात व्यवस्था विभागं अध्ययन व रोजगारीया नितिं विदेश वनीपिंत स्वन्हुया दुने गाडीया लाइसेन्स बीगु जूगु दु । थ्व बाहेक विभागं शान्ति सेना मिसनय् वनीपिं नेपाली सेना व प्रहरीयात नं स्वन्हुया दुने लाइसेन्स बीगु जूगु दु । विभागं म्हिगः छगू सुचं पिकासें लाइसेन्स याकनं प्रिन्टया नितिं वइगु पुस १५ गतेनिसें आवेदन बीफइगु खँ नं धाःगु दु ।
याकनं प्रिन्टया नितिं विभागं थःगु अनलाइन लाइसेन्स प्रणालीया पोर्टलपाखें आवेदन बीत इनाप याःगु दु । निवेदन स्वीकृत जूगु मितिं स्वन्हुया दुने स्मार्ट कार्ड सेवाग्राहीं कायेफइगु खँ सुचनय् न्ह्यथनातःगु दु ।
LEAVE YOUR COMMENTS