दुर्गा प्रसाईंया ज्यां राप्रपायात आपत
येँ (नेपालभाषा टाइम्स)÷राजतन्त्र पुनस्र्थापना यायेमाः धकाः मेडिकल व्यवसायी दुर्गा प्रसाईं आक्रमक रुपं न्ह्याः वयेवं थुकिं गणतन्त्रवादीत सिबें नं स्वयम् जुजुवादी पार्टी राप्रपायात हे मछिंका बीगु अवस्थाय् थ्यंका बिउगु खँ धयाहःगु दु । राजेन्द्र लिङदेन नेतृत्वया राप्रपां थःत जुजुवादी पार्टी धायेगु याःसा राजतन्त्र स्थापनाया लागिं थःपिं सक्रिय जुइगु खँ नं धायेगु यानाच्वंगु दु । तर राजतन्त्र पुनस्र्थापनाया माग ज्वनाः झापाया दुर्गा प्रसाईं अझ आक्रमक रुपं न्ह्याः वयेवं राप्रपा हे आँटे चाःगु खँ सीदुगु दु ।
थ्व आन्दोलनय् स्वय्म पुलांम्ह जुजु ज्ञानेन्द्र शाहं राप्रपा वा प्रसाईं सुयात समर्थन याइ धइगु खँ नं स्पष्ट मजूगु खँ धाःगु दु ।
दुर्गा प्रसाईं न्हापा माओवादी कार्यकर्ता खःसा वयां लिपा एमालेय् दुहां वन । अनं नं मजिसेंलि जुजुवादी जुयाः न्ह्याः वःम्ह खः । प्रसाईं नेपाःया थीथी बैंकपाखें अर्बौं तकाया त्यासा कयातःगु दु । आः थ्व त्यासा पुले म्वायेकेगु लागिं हे प्रसाईनं जुजुवादी जुयाः अस्थिरता ब्वलंकेत स्वयाच्वंगु द्वपं राजनीतिक ख्यलं बियाच्वंगु दु ।
LEAVE YOUR COMMENTS