ख्यालि न्हिली

न्ह्याम्हं बांलाःपिं मिसा खनकि सकसिनं धाइगु थ्व हे खः कि : ‘द्यवं ला छंत फुर्सदय् दयेकूगु खः ।’
थ्व सही खँ खः, छाय्कि म्वाःमदुगु ज्या धइगु फुर्सदया इलय् हे जक याइगु खः ।

०००

मिजं : मिसातय्सं लभ म्यारिजय् थपाय्सकं छाय् बः बियाच्वनीगु जुइ ?
मिसा : म्हमसिउम्ह नमूना नाप जीवन ह्वनेगु पलेसा म्हसिउम्ह जोकर चू
लायेमा धकाः !

०००

पुलिसं चन्द्रमानया छेँय् खापा धिउँ वल ।
चन्द्रमान : पिने सु हां ?
पुलिस : जिपिं पुलिस खः । खापा चायेकि । छुं खँ ल्हायेमाःगु दु ।
चन्द्रमान : छिपिं ग्वःम्ह दु ?
पुलिस : जिपिं ला प्यम्ह न्याम्ह हे दु ।
चन्द्रमान : अथेखःसा छिपिं थवंथवय् खँ ल्हा । जिके ई मदु ।