उत्कृष्ट ख्यालःयात सिरपाः बीगु

येँ(नेपालभाषा टाइम्स)- तोखा सांस्कृतिक संरक्षित क्षेत्र विकास समितिं गुंपुन्हिया झ्वलय् थुगुसी तोखाय् पिहां वःगु उत्कृष्ट ख्यालः प्रस्तुतियात सिरपाः बीगु जूगु दु । समितिं थुगुसी गुंपुन्हिया झ्वलय् तोखा नगरय् पिहां वःगु उत्कृष्ट ख्यालः प्रस्तुतियात पुरस्कृत यायेत्यंगु खः ।

ऐतिहासिका व सांस्कृतिक महत्वया तोखा देय्या मौलिक, परम्परागत व सांस्कृतिक गुंंपुन्हिया ख्यालःयात पुरस्कृत यायेगु निर्णय समितिं याःगु खः ।

समसामयिक राजनीतिक घटना, सांस्कृतिक, सामाजिक विकृति, विसंगतियात पिब्वया ख्यालिन्हिलिं जाःगु ख्यालः, प्रहसन, झाँकीयात पुरस्कृत यायेगु निर्णय समितिं याःगु खः ।