स्वंगू संस्थाया मंकाः हिदान

येँ(नेपालभाषा टाइम्स)- स्मार्ट एरोविक्स, स्मार्ट बचत तथा ऋण सहकारी संस्था लिमिटेड व भिसा एलायन्स स्वंगू संस्थाया मंकाः ग्वसालय् हिदान ज्याझ्वः जुल । ब्लड डोनर्स एशोसियसन नेपाल (ब्लोदान)या आह्वानय् विश्व रक्तदाता दिवसया लसताय् उगु हिदान ज्याझ्वः जूगु खः ।

ज्याझ्वलय् येँ क्षेत्र नं ७ पाखें प्रतिनिधिसभा सदस्य गणेश पराजुली, उगु क्षेत्रपाखें गठबन्धनया उम्मेदवार जुयादीम्ह मानुषी यमि भट्टराइ, म्येँ हालामि रमेशकुमार विश्वकर्मा लगायत १४१ म्हेसिन हिदान यानादीगु खः ।

स्मार्ट एरोविक्सया अध्यक्ष निर्मल महर्जनया सभापतित्वय् जूगु हिदान ज्याझ्वलय् ब्लोदानया अध्यक्ष ई. सानुबाबु प्रजापति मूपाहांकथं झायादीगु खः । एरोविक्सया सल्लाहकार केदार दवाडीं लसकुस यानादीगु ज्याझ्वलय् एरोविक्सया प्रशिक्षक लीला भण्डारीं सुभाय् देछानादीगु खः । ज्याझ्वलय् मूपाहां, पाहांपिं, संस्थाया सचिव उत्तमकुमार श्रेष्ठ लगायतं नुगःखँ तयादीगु खः ।