नेपाःया राज्यसत्ताय् हे न्ह्यसः
येँ (नेपालभाषा टाइम्स)-नक्कली भुटानी शरणार्थी प्रकरणया कारणं यानाः नेपाःया राज्य सत्ता व भुटानी शरणार्थी आन्दोलन नितांया विश्वनीयता ध्वस्त जूगु खँ धयाहःगु दु ।
नेपालय् राज्यसत्ताय्् थ्यंपिंसं हे गैर कानुनी ज्या याइगु खँ थ्व प्रकरणं प्रमाणित याना बिउगु दुसा थुकिं यानाः अन्तर्राष्ट्रिय जगतय् नेपाःया राज्यसत्ताया विश्वसनीयता गुमे जूगु खँ धाःगु दु । आः अन्तर्राष्ट्रिय ख्यलं नेपाःया राज्यं हे याःगु ज्याखँ समेत कानुन सम्मत जू लाकि मजू, अन्तर्राष्ट्रिय मूल्य मान्यता अनुरुप जू लाकि मजू धकाः शंकाया मिखां स्वइगु खँ नं विज्ञतय्सं धाःगु दु ।
थ्व प्रकरणय् ज्वंपिं उच्चपदस्थ नेता व सरकारी पदाधिकारीतय्सं प्रहरीयात बिउगु बयानय् थःपिंसं यानागु अपराधयात स्वीकार याना हयाच्वंगु दु । उमिसं प्रहरीयात बिउगु बयान नं धमाधम सार्वजनिक जुयाच्वंगु दु । तथापि अदालतय् बीगु बयानय् उमिसं थःपिंसं प्रहरीयात धयागु खँ स्वीकार याइ वा याइ मखुनि धइगु खँ स्पष्ट मजूनि । अय्नं उमिसं थःपिनि अपराध स्वीकार याना हयाच्वंगु कारणं यानाः नेपाःया राज्य सत्ताय् थ्यनीपिं मनूतय्सं नीतिगत भ्रष्टाचार यानाः गैरकानुनी ज्या याइगु जुयाच्वन धइगु खँ प्रमाणित जूगु खँ नं विज्ञ सूत्रं धाःगु दु ।
अथे हे भुटानी शरणार्थीतय् नेता टेकनाथ रिजालं नं प्रहरी समक्ष थःत वःगु द्वपंयात आंशिक रुपं स्वीकार याःगु दु । रिजालं प्रहरीयात बयान बीगु झ्वलय् नेपाःया गिरोहं नेपाःमितय्त नं नक्कली भुटानी शरणार्थी दयेकाः विदेश छ्वये धकाः प्रस्ताव तःबलय् थम्हं भुटानी शरणार्थीयात समस्या मवइगु खःसा छ्वःसां जिउ धकाः स्वीकृति बियागु खँ कंगु दु । उलि जक मखु रिजालं नेपाःमितय्त नक्कली भुटानी शरणार्थी खः धकाः प्रमाणित यायेगु लागिं आवश्यक सिफारिस समेत कया बियागु खँ नं धाःगु दु ।
रिजालया थ्व भूमिकां यानाः आः भुटानी जनतां न्ह्याकाच्वंगु प्रजातन्त्र व मानव अधिकारया आन्दोलनया विश्वसनीयता समेत गुमे जूगु खँ धाःगु दु । भुटान पिपुल्स पार्टीया नेता विश्वनाथ पौडेलं ला थ्व प्रकरणं यानाः आः भुटान सरकारं न्हापांनिसें हे नेपाःया झापाय् च्वनाच्वंपिं शरणार्थी फुक्कं भुटानी मखु, उकी नेपाःमितय्त नं घुसपैठ याकाः तयातःगु दु धकाः बियाच्वंगु द्वपं पुष्टि जूगु खँ धाःगु दु । थुकिं यानाः आः भुटानया न्ह्यःने नेपाः व भुटानी शरणार्थी नेतातय्सं खँ ल्हायेगु नैतिकता समेत तंके मालीगु अवस्था वःगु खँ नं धाःगु दु ।
उकिं थ्व प्रकरणयात नेपाःया छगू भ्रष्टाचारया केश जक धयां मगाः, थुकिं नेपाः व भुटानी प्रकरणयात ताःई तक हे लिच्वः लाकी कथं ‘डेमेज’ याना बीगु खँ नं विज्ञतय्सं धाःगु दु । प्रहरीया ज्या लिपा आः अभियुक्ततय्त अदालतपाखें बयान कायेगु ज्या न्ह्याकी
LEAVE YOUR COMMENTS