उद्योगपति मानन्धरया योगदानसम्बन्धी सफू पिदनीगु

येँ(नेपालभाषा टाइम्स)- नांजाःम्ह उद्योगपतिलिसें भाषासेवी मदुम्ह लक्ष्मीदास मानन्धरं थीथी ख्यलय् बियादीगु योगदानयात कयाः च्वयातःगु सफू पिथनीगु जूगु दु । मदुम्ह मानन्धरं भाषा, धर्म, शिक्षा, उद्योग, राजनीतिलिसें नेपाल संवत्या न्हूदँया आन्दोलनया ख्यलय् बियादीगु योगदानयात कयाः ‘परिवर्तनया संवाहक लक्ष्मीदास’ नांया सफू पिथने त्यंगु खः ।

वइगु माघ ७ गते लाजिम्पाटय् च्वंगु होटल ¥याडिसनय् जुइगु छगू ज्याझ्वःया दथुइ उगु सफू पिथनेगु तयारी जुयाच्वंगु दु । नेपाल संवत् न्हूदँ राष्ट्रिय समारोह समितिया सल्लाहकार समितिया संयोजक तकं जुयादीम्ह मदुम्ह मानन्धरया दकिलाया पुण्य तिथि लाकाः उगु सफू पिथने त्यंगु खः ।

सफुतिइ मदुम्ह मानन्धरं जीवंकाःछि भाषिक, सामाजिक, धर्म, शिक्षा, उद्योगया ख्यलय् यानादीगु योगदानयात कयाः सम्बन्धित ख्यःया व्यक्तिपिनिगु च्वसु दुथ्याकाः उगु सफू पिथनेत्यंगु खः ।