डा. तोसिमा मुद्दाय् आयोग बुत

येँ (नेपालभाषा टाइम्स)- यल क्षेत्र नं. ३ य् राष्ट्रिय स्वतन्त्र पार्टीया उम्मेदवार डा. तोसिमा कार्कीया उम्मेदवारी कायम जूगु दु । सर्वोच्च अदालतया न्या याधीशपिं ईश्वर खतिवडा व तिलप्रसाद श्रेष्ठया मंकाः इजलासं कार्कीया उम्मेदवारी कायम यायेगु पुलांगु आदेश कायम याःगु खः ।

नेपाल मेडिकल काउन्सिलया दुजः जूगुलिं कार्कीं लाभया पद कयाच्वंगु व अज्याःम्ह व्यक्ति उम्मेदवार जुइत अयोग्य जुइ धासें निर्वाचन आयोगं कार्कीया उम्मेदवारी खारेज याःगु खः । उकिया विरुद्ध सर्वोच्च वंम्ह कार्कीया निवेदनय् सुनुवाइ यासें थ्व स्वयां न्ह्यः न्यायाधीश कुमार चुडालया इजलासं उम्मेदवारी कायम यायेत अन्तरिम आदेश बिउगु खः ।

कार्कीया उम्मेदवारी कायम यायेगु कथं जारी जूगु अन्तरिम आदेश खारेज यायेत माग यासें निर्वाचन आयोग सर्वोच्च अदालत वंगु खः । आयोगया निवेदनयात कयाः सुनुवाइ यासें म्हिगः सर्वोच्च अदालतं पुलांगु हे आदेशयात निरन्तरता बीगु आदेश बिउगु खः ।