१८ वडाया पुष्पलाल पार्कय् शंखधर व पद्मरत्नया झ्वाता पलिस्था

येँ (नेपालभाषा टाइम्स)÷थनया तपिंताँया नापसं च्वंगु पुष्पलाल पार्कय् म्हिगः राष्ट्रिय विभूति शंखधर साख्वाः व नेवाः न्ह्यलुवा पद्मरत्न तुलाधरया झ्वाता उलेज्या यात । जनकवि दुर्गालाल श्रेष्ठं उगु निगुलिं झ्वाताया उलेज्या यानादीगु खः ।

झ्वाता येँ मनपा १८ ज्याकूपाखें तःगु खः । १८ वडाया अध्यक्ष न्हुछेकाजी महर्जनया सभापतित्वय् जूगु ज्याझ्वलय् जनकवि दुर्गालाल श्रेष्ठ लिसें पुलांम्ह मेयर विद्यासुन्दर शाक्य, मदुम्ह पद्मरत्न तुलाधरया म्ह्याय् मय्जु सुम्निमा तुलाधरपिंसं नुगःखँ तयादीगु खः ।

१८ वडाया पहलय् दयेकूगु उगु पुष्पलाल पार्कय् नेपाल कम्युनिष्ट पार्टीया संस्थापक महासचिव पुष्पलाल श्रेष्ठया झ्वाता नं तयातःगु दु ।

(किपा ः नीलः साय्मि÷नेभा टाइम्स)

सम्बन्धित बुखँ

LEAVE YOUR COMMENTS