डब्लुएनओया पदाधिकारीया म्हसीका व अन्तक्र्रिया

येँ – नेवाः जागरण मंचया संयोजनय् वल्र्ड नेवाः अर्गनाइजेसनया पदाधिकारी दुजःपिनिगु दथुइ म्हसीका कालबिलनापं अन्तक्र्रिया ज्याझ्वः जुल । ज्याझ्वलय् नेवाः ख्यःया आपालं व्यक्तिपिनिगु उपस्थिति दुगु खः । अर्गनाइजेसनया नायः सिजन श्रेष्ठ, वरिष्ठ न्वकु दयारत्न शाक्य, पुलांम्ह नायःलिसें सल्लाहकार बालगोपाल श्रेष्ठ लायतया दुजःपिंलिसें म्हसीका व अन्तक्र्रिया जूगु ज्याझ्वलय् थीथी संघसंस्थापाखें थःपिंसं याना वयाच्वंगु थीथी ज्याझ्वःया बारे जानकारी बीगु ज्या जूगु खः ।

अर्गनाइजेसनया नायः श्रेष्ठं थःगु नुगःखँ तयादीगु ज्याझ्वलय् जनगायक भृगुराम श्रेष्ठ, नेवाः न्ह्यलुवा मल्ल के. सुन्दर, भाषासेवी लक्ष्मीदास मानन्धर, मंचया व्यवस्थापन समितिया दुजः निरञ्जनरत्न शाक्य, संस्कृतिविद् डा. चुन्दा वज्राचार्यपिंसं थःथःगु नुगःखँ तयादीगु खः । अथे हे राजनीकि ख्यःया सांसदपिं कृष्णगोपाल श्रेष्ठ, भीमसेनदास प्रधान, जीवनराम श्रेष्ठ नापं दिलीप महर्जन हिसिला यमि लगायतयापिंसं नं नुगःखँ तयादीगु खः ।

ज्याझ्वः लिपा जूगु सांगीतिक ज्याझ्वलय् जनगायक भृगुराम श्रेष्ठ, पवित्र कसाः, राजेश महर्जन, दीपा महर्जन लगायतया आपालं कलाकारतय्सं थःपिनिगु सांगीतिक प्रस्तुति बियादीगु खः । मंचया व्यवस्थापन समितिया दुजः सत्यनारायण डंगोलं सुभाय् देछानादीगु ज्याझ्वलय् अर्गनाइजेसनया दुजःपिंत मंचपाखें पिथंगु थीथी सपूm नं लःल्हाःगु खः ।