थनिंनिसें न्यतमरु अजिमाया प्याखं क्यनीगु

येँ(नेपालभाषा टाइम्स)- येँ महानगरपालिका १८ वडास्थित न्यतमरु अजिमाया प्याखं थौं क्यनीगु जूगु दु । न्यतमरु अजिमाया प्याखं थौं बहनि व कन्हय् थनया हनुमानध्वाखास्थित तलेजु भवानीया प्रांगणय् क्यनीगु जूगु दु ।

श्वेतकाली अजिमाया नामं नं म्हसिउम्ह न्यतमरु अजिमाया प्याखं दँय्दसं पाहांचः¥हे नखःया इलय् न्यत दबुलिइ क्यनेगु याना वयाच्वंगु दु । पाहांचः¥हेया दिनय् बहनिनिसें कन्हय्कुन्हु न्हिछियंकं प्याखं क्यना वयाच्वंगु दुसा न्यत अजिमाया झिंनिदँया जात्राया इलय् नं न्यत दबूलिसें थीथी थासय् क्यनेगु याना वयाच्वंगु दु ।

थ्व झ्वलय् थौं व कन्हय् तलेजुया प्रांगण स्थित त्रिशुल चोकय् व कात्तिक २ व ३ गते वसन्तपूस्थित कुमारि छेँया न्ह्यःने दबुलिइ क्यनी । न्यत अजिमाया द्यः छेँय् नं सांस्कृतिक बाजंलिसें द्यःगंछिं पिहां वयाः त्रिशुल चोकय् थ्यंकाः प्याखं क्यनीगु ज्याझ्वः दु ।

प्याखं क्यनेगु झ्वलय् कन्हय्कुन्हु सुथमाजु (करुणामय)यात बिज्याकाः निन्हुया प्याखं क्यनी । प्याखं क्यनेगु झ्वलय् महाद्यःलिसें गणेश व कुमारयात नं ब्वनाः प्याखं क्यनी ।

न्यतमरु अजिमाया प्याखनय् ब्रम्हायणी, रुद्रायणी, इन्द्रायणी, नारायणी, महालक्ष्मी, बाराही, कुमारि, श्वेतकाली आदिया प्याखं क्यनीगु जूगु दु । प्याखंया झ्वलय् चण्डासुर दैत्य, दैत्य व कुमारिया युद्ध, महाद्यःयाके वरदान फ्वनेगु, दैत्य संहार प्याखं न्ह्यब्वइगु न्यत अजिमा जात्रा व्यवस्थापन समितिं जानकारी बिउगु दु ।