मनपायात सम्पदा निर्माण याके मबिउ ः मेयर शाक्य

येँ- येँ महापालिकाया मेयर विद्यासुन्दर शाक्यं थनया जीर्ण जुयाच्वंगु व भुखाचं क्षति जूगु सम्पदात मनपां निर्माण याना बी धयां नं पुरातत्व विभागं निर्माण याके मबिउगु खँ कनादीगु दु । म्हिगः माघ २ गते वि.सं. १९९० सालया भुखाय्या लुमंतिइ न्यायेकूगु भुखाय् दिवसया झ्वलय् थनया भूगोलपार्कय् जूगु ज्याझ्वलय् न्ववासें वय्कलं थ्व खँ कनादीगु खः ।

गृहमन्त्री बालकृष्ण खाँडं भूगोलपार्कया स्तम्भय् स्वां देछासें विपद व्यवस्थापनया ज्याय् स्थानीय सरकारया तःधंगु ल्हाः दइगु खँ कनादिल । ज्याझ्वः लिपा मन्त्री खाँड लिसें मेयर शाक्यया पुचः नापसं च्वंगु जीर्णगु दमकल भवन निरीक्षण याः वंगु खः ।