शहरी स्वास्थ्य प्रवद्र्धन केन्द्रया उलेज्या
येँ – येँ महानगरपालिका १९ वडा कंगय् संचालन जुयाच्वंगु शहरी स्वास्थ्य क्लिनिकया स्तरोनत्ती याना शहरी स्वास्थ्य प्रवद्र्धन केन्द्र दयका उकिया ज्या क्वचागु लसताय् उगु केन्द्रया उलेज्या येँ महानगरपालिकया मेयर विद्यासुन्दर शाक्य व एम डीएम फान्सया नेपाःया कन्टी डाइरेक्टर डा गियोन फेवोलजुं मंकाः कथं यानादिल ।
येँमपा १९ वडाया कावा वडा नायो मधुसुदन प्रधानया अध्यक्षताय् न्ह्याःगु उगु ज्याझ्वःया मूपाहां येँ महानगरपालिकाया मेयर विद्यासुन्दर शाक्य जुयादीगु खःसा विशेष पाहां येँ महानगरपालिकाया उपमेयर हरिप्रभा खड्गी श्रेष्ठ व पाहांपिं नेपाःया नितिं फान्सया कार्यबाहक राजदूज लिला देभराद जलाइ, एम डीएम फान्सया नेपाःया कन्टी डाइरेक्टर डा. गियोन फेवोल स्वास्थ्य संस्था दर्ता, नविकरण समितिया संयोजक दिपक केसीपिं झायादीगु खः ।
येँ १९या वडा दुजः रेणु कमल शाहीजुं लसकुस याना न्ह्याःगु उगु ज्याझ्वलय् स्वास्थ्य संस्था दर्ता, नविकरण समितिया संयोजक दिपक क.ेसी., एम डीएम फान्सया नेपाःया कन्टी डाइरेक्टर डा. गियोन फेबोल, उपमेयर हरिप्रभा खड्गी श्रेष्ठ व मेयर विद्यासुन्दर शाक्यपिंसं स्वास्थ्यया थीथी पक्षयात कःघाना थःथःगु नुगः खँ तयादीगु खः ।
येँ मपा १९ वडाया कावा नायः मधुसुदन प्रधानया सभापतित्वय् न्ह्याःगु उगु ज्याझ्वलय् मूपाहां व पाहांपिंपाखें केन्द्रया अनुगमन व निरिक्षण नं यायेगु ज्या नं जूगु खः ।
येँ महानगपालिका १९ वडा कंगय् संचालन जुयाच्वंगु शहरी स्वास्थ्य क्लिनिकया स्तरोन्नती याना शहरी स्वास्थ्य प्रवद्र्धन केन्द्र दयकेत येँ महानगर ालिका व एम डी एम दथुइ सम्झौता जूगु खःसा उगु इलय् येँ १९ वडाया तत्कालीन नायो शशीलाल श्रेष्ठ व एनडीएम फान्सया नेपाःया कन्टी डाइरेक्टर डा. गियोन फेवोल दथुइ सम्झौता जूगु खः । उगु सम्झोता कथं ज्या शुरु जूगु दु ।
LEAVE YOUR COMMENTS