किपू नगरपालिकाय् नेवाः राष्ट्र गान

किपू – किपू नगरपालिकाय् आः न्हिंन्हिं हे ज्याकू चायेके न्ह्यः राष्ट्र गान हायेकेगु शुरु जूगु दु । उकी नेपाःया राष्ट्रिय राष्ट्र गानया नापनापं नेवाः राष्ट्र गान नं हायेकेगु शुरु याःगु खः । किपू नगरपालिकाय् न्हिंन्हिं ज्याकू चाले न्ह्यः नपाया मेयर व उपमेयर लिसें सकलें कर्मचारीत दनाः देय्या राष्ट्र गान हालीगु खः । म्हिगःनिसें जनकवि दुर्गालाल श्रेष्ठं च्वयादीगु नेवाः राष्ट्र गान ‘धुन, दने धुन झी सँन्ह्यलं झी’ नं हायेकेगु शुरु याःगु खः ।

नेवाः राष्ट्र गानयात छुं नं सरकारी निकाय दुने हे हायेकेगु शुरु याःगु थ्व न्हापांखुसी खः । किपू नगरपालिकाया मेयर रमेश महर्जनं राष्ट्रिय राष्ट्र गान व नेवाः राष्ट्र गान हायेकेगु थ्व ज्यापाखें सम्बन्धित राष्ट्र गानया सम्मान जक जुइगु मखुसें थुकिं कर्मचारीतय्त राष्ट्र, राष्ट्रियता व नागरिक सेवाप्रति सकारात्मक सोच विकास याइगुया नापनापं थम्हं यायेमाःगु ज्याप्रति अनुशासित, जिम्मेवार व कर्तव्यनिष्ठ दयेका बीगु बिचाः प्वंकादीगु दु ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः