खड्गी समाज यलया स्वक्वःगु अधिवेशन
यल – नेपाल राष्ट्रिय खड्गी समाज यल जिल्लाया स्वक्वःगु अधिवेशन वंगु शनिवाः जुल । थनया सातदोबाटोय् च्वंगु ग्राण्ड एकेदेमिइ जूगु ज्याझ्वः अरोजकुमार खड्गीया सभापतित्वय् जूगु खः ।
ज्याझ्वलय् यल महानगरपालिकाया प्रमुख चिरिबाबु महर्जन मूपाहांकथं झायादीगु खसा विशेष पाहांकथं समाजया केन्द्रीय सचिव नन्दकिशोर शाही, सचिव श्यामकृष्ण खड्गी, मिलन खड्गी, कोषाध्यक्ष भगवती शाही, सहकोषाध्यक्ष विरेन्द्र खड्गी, मिसा दुजः रचना शाही झायादीगु खः ।
अथे हे पाहांकथं यल उद्योग वाणिज्य संघया अध्यक्ष मनोजबहादुर न्याछ्यों, महासचिव रुपकमान महर्जन, ललितपुर मिनिबस व्यवसायी समितिया अध्यक्ष निररत्न नेवाः, डा. पुजन खड्गीलिसें यल जिल्ला खेलकुद विकास समितिया दीपेन्द्र श्रेष्ठपिं झायादीगु खः ।
अधिवेशनं यल जिल्ला समितिया नं न्हूधाः याःगु खः। प्रकाश खड्गीया अध्यक्षताय् स्वीप्यम्हेसिया जिल्ला कार्य समिति गठन याःगु खः । ज्यासना पुचलय् संजय खड्गी वरिष्ठ उपाध्यक्ष, भगवान शाही न्हापांम्ह उपाध्यक्ष, वसन्त खड्गी (सानु) निम्हम्ह उपाध्यक्ष, कपिल शाही सचिव, महेश खड्गी सहसचिव, मीना शाही कोषाध्यक्ष, निम्ह सहकोषाध्यक्षय् देव खड्गी व विक्रम खड्गी च्वनादीगु दु ।
LEAVE YOUR COMMENTS