मलाइकाया फिटनेस
बलिउड फिल्म उद्योगय् फिटनेसया विषययात कयाः खँ ल्हायेगु खःसा मलाइका अरोरा नां दकलय् न्ह्यःने लाः । फिटनेसया खँय् मलाइका थें मेहनती मेपिं सुं हे सेलिब्रिटीं उलि ध्यान बिउगु मदु धाःसां छुं पाइमखु ।
बलिउडया मेमेपिं कलाकारत नं फेसन, लभ अफेयर, फिल्म, तिसा वसःलिसें शारीरिक व्यायामया खँय् नं चर्चाय् मवःगु मखु, तर मलाइका थुपिं सकतां खँय् स्वयां फिटनेसया खँय् मेपिं स्वयां छपलाः गाक्कं न्ह्यःने लाः । मलाइका फिल्मी घटना स्वयां व्यायाम व वर्कआउटया कारणं भचा अप्वः हे चर्चाय् वः ।
सामाजिक संजालय् अतिकं सक्रिय जुयाच्वनीम्ह मलाइकां लिपांगु इलय् छुं छुं किपा सेयर याःगु दु । गुगु किपायात स्वयेबलय् नं मलाइका थःगु फिटनेसयात कयाः गुलि संवेदनशील जू धइगु खँयात सहज रुपं हे अनुमान याये फइ ।
छम्ह मचाया मां जुयाः नं पुलांम्ह भाःतलिसे पाचुकाः थौंकन्हय् अर्जुन कपुरलिसे डेटिंग यानाच्वंम्ह मलाइक थःगु फिटनेस रुटिंग व डाइट (नसाज्वलं)प्रति तसकं हे सचेत जू धइगु वयागु कामुक व स्लिम फिगरं सी दु ।
LEAVE YOUR COMMENTS