ने. सं. ११४६ बछलागा चौथी -

स्वनिगलय् मेगु छवाः निषेधाज्ञा तइगु

येँ – स्वनिगलय् मेगु छवाः निषेधाज्ञा तइगु जूगु दु । स्वनिगःया स्वंगुलिं जिल्लाया सीडीओतय् बैठकं निषेधाज्ञा छ्वासुकाः छवाः तनेगु निर्णय याःगु खः । जिल्लास्तरीय कोभिड संकट व्यवस्थापन केन्द्रया बैठक लिपा न्हूगु मोडालिटी कथं निषेधाज्ञा जारी जुइगु खँ सीदु दु । आः थप जुइगु निषेधाज्ञा न्हापा स्वयां छ्वासुकीगु खँ नं धाःगु दु ।
लिपांगु इलय् स्वनिगलय् संक्रमण व मृत्युदर म्हो जूगुलिं निषेधाज्ञा छ्वासुकेगु तयारी यानाच्वंगु खः । उकथं हे सर्वसाधारण जनता व व्यवसायीतय्सं नं निषेधाज्ञा छ्वासुकाः व्यवसाय यायेगु वातावरण दयेकेमाःगु माग यानाच्वंगुलिं नं उकियात सम्बोधन यायेगु कथं छ्वासुकेगु तयारी जुयाच्वंगु खँ धाःगु दु । स्वनिगलय् अत्यावश्यक सेवा बाहेक मेगु फुक्कं क्षेत्र ठप्प जुयाच्वंगु दु ।