माधवनारायण मेलाय् भक्तजनपाखें पीगू लख आर्थिक संकलन

सक्व- थन न्ह्यानाच्वंगु श्री माधवनारायण मेलाया झ्वलय् आतकया दुने पीगू लख तका दां संकलन जूगु दु । श्री माधवनारायण स्वस्थानी व्रत तथा शालीनादी सुधार समितिं बिउगु जानकारीकथं मेलाय् वःपिं भक्तजनपाखें वंगु वाःतकया दुने पीगू लख दां आर्थिक संकलन जूगु जानकारी बिउगु खः ।

कोरोना संक्रमणया कारणं ब्वनाच्वंगु असहज परिस्थितिया कारणं थुगुसी थन न्यय्म्हेसित जक श्री माधवनारायण धलं दनेगु व्यवस्था याःगु खः । थुकथंया असहज परिस्थितिया दथुइ नं धलंदनिपिंत व्यवस्थापन यायेत गठन यानातःगु समितिं वंगु शुक्रवाःतकया दुने भक्तजनपाखें पीगू लख आर्थिक संकलन जूगु जानकारी बिउगु खः ।

समितिं बिउगु जानकारीकथं ताहाचः निवासी मय्जु नानीहेरा महर्जन व्यक्तिगत रुपं आतकया हे दकलय् अप्वः च्यागू लाख न्यय्द्वः तका आर्थिक ग्वाहालि यानादीगु दुसा सिन्धुपाल्चोकया जलविरेय् च्वंम्ह मय्जु दिलमाया श्रेष्ठं थः जहान मदुम्ह गणेश श्रेष्ठया नामं न्यय्द्वः तका ग्वाहालि यानादीगु दु ।

अथे हे वैद्यराम श्रेष्ठ व वय्कःया जहान सरस्वती श्रेष्ठं ५०,१५०÷–, ख्वपया तःमधि त्वाःया नारायणकृष्ण चित्रकारं नीछद्वः व हेरादास श्रेष्ठया लुमन्तिइ इन्द्रमाया श्रेष्ठं १०,५०५÷तका आर्थिक ग्वाहालि यानादीगु दु ।

थुकथं हे स्वनिगःया थीथी थासंलिसें पन्ति, भ्वत, धौख्यः लगायतया थासं मेलाय् वःपिंसं नं आर्थिक ग्वाहालि यानाच्वंगु जानकारी समितिं बिउगु दु । मेलाय् वःपिं श्रद्धालु भक्तजनपाखें संकलन जूगु ध्यबा धलं दंपिनिगु निंतिं खर्च यायेगु व ल्यं दुगु ध्यबा नारीखुसीइ भौतिक संरचना निर्माणया निंतिं खर्च यायेगु समितिं धाःगु दु ।

सम्बन्धित बुखँ

LEAVE YOUR COMMENTS