
येँ (नेपालभाषा टाइम्स)÷झिंछक्वःगु नेवाः एकता दिवसयात ‘नेवाः आन्दोलन’ या रुपय् हनीगु जूगु दु ।
झिंछक्वःगु नेवाः एकता दिवस हना मंकाः ग्वसाः खलःया ग्वसालय् म्हिगः येँय् जूगु पत्रकार सम्मेलनय् कन्हय् जुइगु दिवसया बारे जानकारी बिउगु खः । थुगुसीया नेवाः एकता दिवस थौंकन्हय् नेवाः आन्दोलनया केन्द्र जुयाच्वंगु खोनाया खुदोलय् हनेगु तयारी जुयाच्वंगु दु ।
म्हिगः पत्रकार सम्मेलनय् इना बिउगु प्रेस विज्ञप्तिइ संघीय लोकतान्त्रिक गणतन्त्र नेपाः दुने नेवाः स्वायत्त राज्य सुनिश्चित जुइमाःगु माग यानातःगु दु । उकथं हे नेवाःतय् थीथी संगठनं थौंकन्हय् थीथी मुद्दायात कयाः यानाच्वंगु आन्दोलनयात मंकाः आन्दोलनया रुपय् न्ह्यःने यंकेगु कथं नं कन्हय् मंकाः कथं नेवाः एकता दिवस हनेत्यनागु खँ ग्वसाः खलकं धाःगु दु ।
LEAVE YOUR COMMENTS