ललितपुर चेम्बरया न्हापांगु साधारणसभा

यल (नेपालभाषा टाइम्स) – ललितपुर चेम्बर अफ कमर्शया न्हापांगु साधारणसभां पुष्परत्न शाक्यया अध्यक्ष्ताय् न्हूगु ज्यासना पुचः ल्यःगु दु। चेम्बरया न्हापांगु साधारणसभां शाक्यया अध्यक्षताय् नीछम्हेसिया ज्यासना पुचः ल्यःगु खः ।

अर्थमन्त्री विष्णु पौडेल मूपाहां व नेपाल चेम्बर अफ कमर्शया अध्यक्ष राजेशकाजी श्रेष्ठ विशेष पाहांकथं झायादीगु साधारणसभां सर्वसम्मतिं न्हूगु ज्यासना पुचः ल्यःगु खः । न्हूगु ज्यासना पुचलय् निरु थापा वरिष्ठ उपाध्यक्ष, राजेन्द्रमान कायस्थ, न्हापांम्ह उपाध्यक्ष, अनिलवीर वज्राचार्य निम्हम्ह उपाध्यक्ष, सुविन वज्राचार्य महासचिव, नरेन्द्र शाक्य कोषाध्यक्ष, हरिप्रसाद अधिकारी सचिव व प्रेमलाल महर्जन सह कोषाध्यक्षय् ल्यःगु दु।

अथे हे दुजलय् वीरेन्द्र शाक्य, ऋषिकेश तिमिल्सिना, तेजेन्द्रगोपाल श्रेष्ठ, श्याम तण्डुकार, रामचन्द्र खत्री, सुनिता वज्राचार्य, नविना कार्की, सुमित्रा खड्का, सविना सिंह महर्जन, प्रविणबहादुर शाक्य, अभिषेक वज्राचार्य, हेमकिशोर राई व हरेराम जोशीयात ल्यःगु दु। साधारणसभां महिला चेम्बर अफ कमर्श नं गठन याःगु दु। सविना सिंह महर्जनया अध्यक्षताय् गठन याःगु ललितपुर महिला चेम्बर अफ कमर्शय् शान्ता शाक्य व रविता श्रेष्ठ उपाध्यक्ष, सरिता महर्जन सचिव, सरिता अवाले कोषाध्यक्ष च्वनादीगु दुसा दुजलय् अञ्जना धाख्वा, मनिला श्रेष्ठ, सुभद्रा श्रेष्ठ, सबुता महर्जन, रेशमा शाक्य, अमूल्य शाक्य, सरस्वति वज्राचार्य, रिशा श्रेष्ठ व संगिता नापित च्वनादीगु दु।

थुकथं हे प्रविणबहादुर शाक्यया अध्यक्षताय् न्हय्म्हेसिया युवा चेम्बर अफ कमर्श गठन याःगु दु ।

सम्बन्धित बुखँ

LEAVE YOUR COMMENTS