नेवाः हाइकु ख्यःया न्हय्क्वःगु भर्चुअल हाइकु वाचन

यल (नेपालभाषा टाइम्स)- नेवाः हाइकु ख्यःया ग्वसालय् न्हय्क्वःगु संस्करणया भर्चुअल नेवाः हाइकु वाचन ज्याझ्वः वंगु शनिवाः जुल । सामाजिक संजाल फेसबुकपाखें लय् पतिकं न्ह्यानाच्वंगु ज्याझ्वः अन्तर्गत थुगु संस्करणय् नं प्यम्ह हाइजिनपिंसं हाइकु वाचन यानादीगु खः ।

ज्याझ्वलय् बुद्ध नेवाः, कृष्णदास जोशी, सुरजवीर वज्राचार्य व विधुप्रकाश कायस्थपिंसं म्हतिं झिपु झिपु हाइकु वाचन यानादीगु खः । ज्याझ्वलय् वाचन जूगु हाइकुया समीक्षा यासें डा. आनन्द जोशीं नेपालभाषा साहित्य ख्यलय हाइकु विधा न्हापां स्वयां परिस्कृत जुजुं वनाच्वंगु धयादिल ।

साहित्यया मेमेगु विधा थें हाइकु विधा नं विकास जुया वनाच्वंगु धासें वय्कलं आधुनिक हाइकु श्रृजनाय् नेवाः हाइकु दक्षिण एशियाय् हे न्ह्यःने लानाच्वंगु धयादिल । लिसें वय्कलं सैद्धान्तिक हाइकु विधाया विकास याना वने फत धाःसा नेवाः हाइकु नं अन्तर्राष्ट्रियकरण याना यंके फइगु आपालं अवसर दुगु नं धयादिल ।

ज्याझ्वलय् अमेरिकाया शिकागो शहरय् च्वंच्वनादीम्ह साहित्यकार केशरमान ताम्राकार व धर्मकृष्ण सिँकःमिं नं हाइकु वाचन यानादीगु खः ।

सम्बन्धित बुखँ

LEAVE YOUR COMMENTS