कोरोना खोप बीगु लागिं नेपालय् नं तयारी शुरु

येँ (नेपालभाषा टाइम्स) – कोरोना विरुद्धया खोप बीगु लागिं नेपालय् नं तयारी शुरु जूगु दु । स्वास्थ्य तथा जनसंख्यामन्त्री हृदयेश त्रिपाठीं कोरोना खोप खरिद प्रक्रिया पारदर्शी जुइगु खँ धयादीगु दु । म्हिगः मन्त्रालयं ग्वसाः ग्वःगु पत्रकार सम्मेलनय् झ्वलय् मन्त्री त्रिपाठीं खोप न्यायेगु प्रक्रिया पारदर्शी व वितरण न्यायपूर्ण जुइगु खँ धयादीगु खः । वय्कलं सरकार व सरकार दथुइ जूगु खरिद प्रक्रिया जीटुजी प्राथमिकताय् दुगु खँ धयादिसें धयादिल, ‘गुलिं नं विकृतिया आशंका जुयाच्वंगु दु, उकियात गलत साबित यायेगु जुइ ।’

थम्हं भारत, रुस व युएईया राजदूतलिसे खँल्हाबल्हा यानागु धासें कोरोना खोपया निंतिं राजनीतिक प्रभावयात तकं छ्यलाच्वनागु खँ धयादीगु दु । वय्कलं धयादी, ‘फयांफछि याकनं खोप हयेगु कुतः जुयाच्वंगु दु ।’ वय्कःया कथं खोपया निंतिं १६ हजार खोप केन्द्र चाये केगु आज्जु दुसा ५ हजार कर्मचारी व ५२ हजार मिसा स्वास्थ्य स्वय्म सेविका परिचालन यायेगु मन्त्रालयया योजना दु ।

सम्बन्धित बुखँ

LEAVE YOUR COMMENTS