रक्तदाता समाजया रसुवा जिल्ला शाखा गठन

येँ (नेपालभाषा टाइम्स) – नेपाल स्वयंसेवी रक्तदाता समाजया जिल्ला शाखा विस्तार यायेगु झ्वलय् लिपांगु इलय् रसुवा जिल्ला शाखा गठन जूगु दु । समाजया दुजःपिं व स्थानीयतय् छगू भेलां समाजया रसुवा जिल्ला शाखा गठन याःगु खः ।

रसुवा जिल्लाया धुन्चे बजारय् जूगु भेलाय् मूपाहांकथं झायादीम्ह समाजया केन्द्रीय अध्यक्ष स्वयंसेवी शतक रक्तदाता प्रेमसागर कर्माचार्यं संस्थाया उद्देश्य व लक्ष्यनापं संस्था याना वयाच्वंगु ज्यायात कयाः जानकारी बियादीगु खः । स्थानीय समाजसेवी तोया न्यौपानेया विशेष आतिथ्यताय् अभिवक्ता फुर्पा तामाङं संयोजन यानादीगु भेलां प्रमिला लामाया अध्यक्षताय् समाजया रसुवा जिल्ला शाखा गठन याःगु खः ।

समितिया उपाध्यक्षय् रामशरण गजुरेल (निशान), सचिवय् गोरमेन निकोर तामाङ, कोषाध्यक्षय् सेन ग्याल्मो तामाब च्वनादीगु दुसा दुजलय् ज्ञानेन्द्रनाथ न्यौपाने, दीपक लामा, सुनितामाया गुरुङ, अनु आचार्य, अच्युतराज न्यौपाने, गौरव सापकोटा, हिमनाथ देवकोटा, छेवाङ तामाङ,  गोमा खनाल, सुरेश थोक्रा व जयराम आचार्य च्वनादीगु दु ।

नवगठित शाखा कमिटीया पदाधिकारीपिंत केन्द्रीय अध्यक्ष कर्माचार्यं संस्थाया लोगो अंकित ब्याच लःल्हानादिसें भिंतुना बियाः सपथ ग्रहण नं याकादीगु खः ।

सम्बन्धित बुखँ

LEAVE YOUR COMMENTS