स्वतन्त्र पत्रकार संघया पत्रकारिता तालिम

ख्वप (नेपालभाषा टाइम्स) – स्वतन्त्र पत्रकार संघ ख्वप कचाया ग्वसालय् झिन्हुया आधारभूत पत्रकारिता तालिम शुरु जूगु दु। तालिमया उलेज्या संघया ख्वप कचाया नायः डा. इन्दुल केसीं यानादीगु खः । तालिमया उलेज्या यासें वय्कलं तालिमपाखें सफल व सक्षम पत्रकार तयार जुइगु विश्वास प्वंकादिल । रोम्बस नेशनल कलेजया प्राचार्य डा. राजेन्द्र कोजूं पत्रकारिता पेशा जक मखसे छगू अभियान जूगु खँ न्ह्यथनादिसें पत्रकारितायात सामान्य ल्याखं जक काये मजिउगु विचाः प्वंकादिल । समाजया न्वकु कृष्ण प्रजापतिं मर्यादित व अनुशासित पत्रकार थौंया माग खः धासें उकथंया हे पत्रकार तालिमपाखें पिहां वइगु आशा यानादिल । इन्जिनियर रविन कुसिं नं न्वानादीगु तालिमया संयोजन पत्रकार कृष्ण किसीं यानादीगु खः ।