अष्टमातृका व मानमानेश्वरीया खड्ग जात्रा मजुइगु

यल (नेपालभाषा टाइम्स) मोहनि नखःया इलय् थन न्यायेकीगु अष्टमातृका व मानमानेश्वरी द्यःया खड्ग जात्रा मजुइगु जूगु दु। जात्राया इलय् आपालं हुलमुल जुइगु व थुकिं यानाः कोरोना संक्रमणया खतरा दुगु धासें थुगुसी जात्रा संचालन मयासे विधिवत रुपं पुजा जक याइगु जूगु दु ।

यल महानगरपालिकाया प्रवक्ता राजु महर्जनं छगू विज्ञप्ती जारीयासें नखःचखः, जात्रा, पर्वया इलय् हुलमुल जुइगु व बाजं थायेगु, न्ह्यइपुकेगु ज्या जुइगुलिं थुगुसी उकथंया छुं नं ज्या मयायेगु खँ धाःगु दु। धार्मिक परम्पराकथं न्ह्याना वयाच्वंगु विधिवत पुजायात जकनिरन्तरता बीगु नापं छुं नं कथंया उत्सव मयायेगु निर्णय गुथि संस्थान, यल, जात्रापर्वलिसे सम्बन्धित सरोकारवाला संस्थालिसे बैठक च्वना निर्णय यानागु विज्ञप्तीइ धयातःगु दु ।