ख्वपय् गथांमुगः व सापारु मन्यायेकीगु

येँ (नेपालभाषा टाइम्स) – ख्वपय् थुगुसी गथांमुगः चःह्रे व सापारु पर्व मन्यायेकीगु जूगु दु। ख्वप नगरपालिकां म्हिगः छगू सुचं जारी यासें गथांमुगः चःह्रे व सापारु नखः मन्यायेकेगु निर्णय यानागु बारे जानकारी बिउगु खः ।

सुचनय् साउन ४ गते न्यायेकीगु गथांमुगः चःह्रे व साउन १९ निसे २७ गते तक न्यायेकीगु सापारु नखःया झ्वलय् आपालं मनूत मुनीगु व उकिया कारणं कोराना भाइरस संक्रमणया जोखिम अप्वइगु जूगुलिं सरोकारवाला संस्कृतिह्यःमितय् नगरस्तरीय भेलापाखें थुगुसी नखः मन्याकेगु निर्णय याःगु खः ।

आः गथांमुगः चःह्रे मन्यायेकेत व सापारु पर्वयात नं औपचारिकताय् जक सीमित याइगु जूगु दु । उकथं हे सापारुया झ्वलय् घिन्ताबघिसि, परम्परागत सांस्कृतिक लिसें आधुनिक सांस्कृतिक ज्याझ्वः नं मयायेत इनाप दु ।